राहू - रस्त्याच्या कडेने पायी जात असताना भरधाव पाठीमागून येणाऱ्या पीएमपीएल बसच्या जोराच्या धडकेत एकाचा मृत्यू झाला..हा अपघात वाघोली-राहू रस्त्यावरील देवकरवाडी (ता. दौंड) येथील हॉटेल अक्षय गार्डन नजीक लकडे वस्ती येथे (ता. ९) रात्री नऊ वाजण्याच्या सुमारास झाला. भगवान रघुनाथ उशीर वय साधारणता 30 मुळ गाव राहणार कळम, ता. पाचोरा, जि. जळगाव सध्या राहणार पाटेठाण (ता. दौंड) असे मृत्युमुखी पडलेल्या तरुणाचे नाव आहे..अक्षय गार्डन होटेल येथे आचारी काम करत होते. याबाबत मयतचे भाऊ ज्ञानेश्वर रघुनाथ उशीर यांनी यवत पोलिसात फिर्याद दिली आहे.फिर्यादी मधील माहितीनुसार भगवान हा देवकरवाडी फाट्याचे दिशेने पायी जात असताना पुण्यावरून राहूकडे येणाऱ्या पीएमपी बस क्रमांक एम एच १२ आर.एन. ९८७८ त्यांना जोराची धडक दिल्याने ते गंभीर जखमी झाले रक्तस्राव जादा झाल्याने त्यांचा जागीच मृत्यू झाला..वाहनचालक बाबासाहेब महादेव देवतरसे राहणार नाळेगाव नगर अहमदनगर यांनी नियमाचे उल्लंघन केल्याप्रकरणी यवत पोलीस ठाण्यात त्यांच्या विरोधात गुन्हा दाखल झाला असून अधिक तपास पोलीस निरीक्षक नारायण देशमुख यांच्या मार्गदर्शनाखाली फौजदार गोविंद भोसले करत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
