पुणे - लोहगाव येथील हवाई दलाच्या वसाहतीत खेळत असलेल्या दोन वर्षांच्या बालकाचा मोटारीच्या धडकेत मृत्यू झाल्याची हृदयद्रावक घटना घडली. याप्रकरणी संबंधित महिला मोटारचालकावर विमानतळ पोलिस ठाण्यात गुन्हा दाखल करण्यात आला आहे..विदार्थ विपिन मावी (वय २) असे मृत बालकाचे नाव आहे. विदार्थचे वडील विपिन राजसिंग मावी (वय ३४) हे हवाई दलात नोकरीस आहेत. ते लोहगाव येथील हवाई दल वसाहतीत राहतात. गुरुवारी (ता. ११) दुपारी साडेबारा वाजण्याच्या सुमारास विदार्थ घरासमोर खेळत होता. त्यावेळी वसाहतीतीलच एका महिलेच्या मोटारीने त्याला जोरदार धडक दिली..अपघातानंतर गंभीर जखमी झालेल्या विदार्थला तातडीने खासगी रुग्णालयात दाखल करण्यात आले. मात्र, उपचारादरम्यान त्याचा मृत्यू झाल्याची माहिती पोलिसांनी दिली. याप्रकरणी संबंधित महिला मोटारचालकाविरुद्ध गुन्हा दाखल करण्यात आला आहे. पोलिस हवालदार धेंडे या प्रकरणाचा तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
