Lockdown : जीवनावश्यक वस्तुंची वाहतूक अडवू नये : विभागीय आयुक्त  

पुणे : कोरोनाच्या पार्श्वभूमीवर लॉकडाऊनच्या कालावधीत अन्नधान्य, भाजीपाला पुरवठा सुरळीत सुरु राहण्यासाठी प्रशासन सर्वतोपरी प्रयत्न करत आहे. जीवनावश्यक वस्तूंची वाहतूक करण्यासाठी जिल्हाधिकारी कार्यालयाकडून पासेस देण्यात येत असून, त्यांना पोलिसांनी अडवू नये, अशा सूचना विभागीय आयुक्त दीपक म्हैसेकर यांनी दिल्या.

बातम्या ऐकण्यासाठी डाऊनलोड करा ई-सकाळचे ऍप 
कृषी उत्पन्न बाजार समिती, पुना मर्चंट चेंबर,आडते, हमाल, तोलणार संघटनांच्या पदाधिकाऱ्यांबरोबर  विभागीय आयुक्त कार्यालयात बैठक पार पडली. डॉ. म्हैसेकर म्हणाले, अन्नधान्य, भाजीपाला, किराणामाल याबरोबरच इतरही जीवनावश्यक वस्तूंची वाहतूक रस्त्यात पोलिसांनी अडवू नये. यासाठी जिल्हाधिकारी कार्यालयाकडून पासेस देण्यात येतील. तसेच आतापर्यंत पोलीस प्रशासनमार्फतही अत्यावश्यक सेवेतील काही ट्रक, टेम्पोचालक यांना पासेस वितरण करण्यात आले आहेत. त्यांना मालवाहतूकीस ये-जा  करण्यास कुठल्याही प्रकारची अडचण भासणार नाही, याची जिल्हा प्रशासन खबरदारी घेईल. कृषी उत्पन्न बाजार समित्यांमध्ये काम करणाऱ्या कामगारांनाही पास देण्यात येतील. परंतु त्या पासचा गैरवापर होणार नाही, याची संबंधितांनी दक्षता घेणे आवश्यक आहे. 

 Coronavirus : कोरोनासाठी पुण्यात स्वतंत्र रूग्णालय; सरकारचा प्रस्ताव
कामगारांचा विमा उतरवण्यासाठी प्रयत्न
कामगारांचा विमा उतरवण्यासाठी प्रशासनाच्या वतीने प्रयत्न केले जातील. दररोज ग्रामीण भागातून ये-जा करणाऱ्या कामगारांसाठी बसेसची व्यवस्था करण्यात येईल. त्याचबरोबर ये-जा करणे शक्य नसणाऱ्या कामगारांसाठी राहण्याची, जेवणाची व्यवस्था प्रशासनाकडून करण्यात येणार आहे.
खासदार, आमदारांच्या ॲम्ब्युलन्स ताब्यात घ्या !