सिंहगड रस्ता - कात्रज देहूरोड बाह्यवळण महामार्गावर वडगाव पुलाजवळ झालेल्या ट्रकच्या अपघातात एक जण जखमी झाला असून; त्याच्यावर उपचार सुरू आहेत..सिंहगड रस्ता येथील कात्रज-देहू रोड बाह्यवळ महामार्गावर साताऱ्याहून मुंबईच्या दिशेला जात असलेल्या मार्गाला दोन ट्रकचा अपघात झाला. कर्नाटक राज्यातून येत असलेले दोन ट्रक एकमेकांवर आदळून हा अपघात झाला. दोनही ट्रक मुंबईच्या दिशेने निघाले होते..वडगाव पुलाजवळ आल्यावर मागील ट्रक समोरच्या ट्रकला मागच्या बाजूने धडकला. यामध्ये मागच्या ट्रकचा चालक गंभीर जखमी झाला. या दोन ट्रकच्या अपघातात सुदैवाने इतर कोणीही जखमी झाले नाही..दरम्यान, अपघातामुळे वाहतूक कोंडी झाली असून ती सोडवण्यासाठी वाहतूक विभागाचे सहाय्यक पोलीस निरीक्षक राजकुमार बरडे आणि त्यांच्या कर्मचाऱ्यांनी वाहतूक सोडविली. जखमी चालकाला रुग्णालयात उपचारासाठी दाखल केले असून, त्यावर उपचार सुरू आहेत. या घटनेचा तपास सिंहगड रस्ता पोलीस करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
