Tukaram Mundhe Transfer : तुकाराम मुंढे यांची पुन्हा बदली; २१ वर्षांत तब्बल २५ बदल्या, आता नवी जबाबदारी

IAS Tukaram Mundhe new posting : राज्याच्या प्रशासकीय वर्तुळात शिस्तप्रिय, कठोर आणि पारदर्शक कारभारासाठी ओळखले जाणारे आयएएस अधिकारी तुकाराम मुंढे यांची पुन्हा एकदा बदली करण्यात आली आहे. अवघ्या दीड महिन्यांपूर्वी प्रधान सचिव (आपत्ती व्यवस्थापन, मदत व पुनर्वसन तसेच महसूल व वन विभाग) म्हणून नियुक्ती झाल्यानंतर आता त्यांची अन्न व औषध प्रशासनाच्या आयुक्तपदी नियुक्ती करण्यात आली आहे. गेल्या २१ वर्षांच्या प्रशासकीय कारकिर्दीत मुंढे यांची ही तब्बल २५ वी बदली ठरली आहे.