मार्केट यार्ड : येथील श्री शारदा गजाननाच्या मंदिरात मंगळवारी (ता. २) अनोखी आणि आकर्षक अशी पालेभाज्यांची आरास करण्यात आली होती. तब्बल २२ प्रकारच्या ताज्या व दर्जेदार भाज्यांनी बाप्पाला सजविण्यात आले होते. यामध्ये मेथी, कोथिंबीर, शेपू, करडई, चवळई, बीट, लाल माठ, लाल मुळा, पांढरा मुळा, अंबाडी, कांदापात, पुदिना, कढीपत्ता, चुका, चाकवत, लाल राजगिरा, गवती चहा आदी भाज्यांचा समावेश होता. हजारो गड्ड्यांची मांडणी करत केलेल्या या सजावटीने भाविकांचे लक्ष वेधले होते.