पुणे - धायरी परिसरातील दुकानात बेकायदा पद्धतीने गॅस भरताना स्फोट होऊन दोन कामगार गंभीर जखमी झाल्याची घटना घडली. अपघातानंतर पोलिसांनी दुकानमालकासह दोघांविरुद्ध गुन्हा दाखल केला आहे..या दुर्घटनेत महेश वासुदेव वाडीकर (रा. बिदर, कर्नाटक) आणि गणेश दत्तात्रेय पाटील (रा. इंद्राळ, ता. देवणी, लातूर) हे दोघे कामगार गंभीर जखमी झाले. त्यांच्यावर खासगी रुग्णालयात उपचार सुरू आहेत. याबाबत पोलिस अंमलदार संग्राम शिनगारे यांनी नांदेड सिटी पोलिस ठाण्यात फिर्याद दिली आहे..त्यावरून शेषनाग अप्लायन्सेस या दुकानाचे मालक आशिष अशोक मोरे (रा. धायरी) याच्यासह दोघांविरुद्ध गुन्हा दाखल केला आहे. मोरे यांच्याकडे गॅस रिफिल करण्याचा परवाना नव्हता. तसेच, कामगारांच्या सुरक्षेच्या दृष्टीने कोणतीही खबरदारी घेतली नव्हती..पोलिसांनी दिलेल्या माहितीनुसार, मोरे यांच्या ‘शेषनाग अप्लायन्सेस’ दुकानात घरगुती वापरासाठी असलेल्या मोठ्या सिलिंडरमधून छोट्या सिलिंडरमध्ये बेकायदा गॅस भरण्याचे काम सुरू होते. सोमवारी मध्यरात्री दीड वाजण्याच्या सुमारास अचानक गॅस गळती झाल्याने हा स्फोट झाला. त्यात कामगार वाडीकर आणि पाटील हे होरपळले..याबाबत माहिती मिळताच सहाय्यक निरीक्षक प्रवीण जाधव आणि त्यांच्या पथकाने घटनास्थळी धाव घेतली. जखमींना तत्काळ उपचारासाठी रुग्णालयात हलविण्यात आले. पोलिसांनी साक्षीदारांचे जबाब नोंदवले असून, पुढील तपास सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
