Accident News : देवदर्शन करून घरी परत येताना पुलावरून खाली पडल्याने दुचाकीवरील दोघे जखमी

खडकवासला : देवदर्शन करून घरी परत येताना मांडवी बुद्रुक येथे दुचाकी पुलाचा कठड्याला धडकली. त्यावरून दोघेजण पुलावरून पाच सहा फूट ओढ्यात पडले. ते दोघे जखमी झाले असून त्यांच्यावर खासगी रुग्णालयात उपचार सुरू आहेत. ही घटना गुरुवारी रात्री ८ वाजता घडली आहे.

या अपघातात कात्रज येथील हर्षवर्धन पाटोळे, दत्ता कदम यांचा अपघात झाला. ती दोघे मित्रांच्या सोबत निळकंठेश्वर मंदिरात दर्शनासाठी गेले होते. घरी परत येताना मांडवी बुद्रुक गावच्या अलीकडे ओढ्याच्या दिशेने उतार आहे. या उतारच्या पुढे पूल आहे. त्याला मोठे सरंक्षक कठडे नाहीत. उतरावरून जोरात आल्याने ते कठड्याला धडकून पुलावरून खाली पडले. येथे श्रीभैरवनाथ मंदिराजवळ पुलावरून दोघें खाली पडले

मांडवी, सांगरूण, बहुली या भागातील विजय कदम, सागर शिर्के, ग्रामस्थांनी त्यांना ओढ्यातून बाहेर काढले. टेम्पो रुग्णवाहिकेतून खासगी रुग्णालयात दाखल केले. पुलाला संरक्षण भिंत नसल्या कारणाने अपघात झाला आहे. पुलाची संरक्षण भिंत झाली पाहिजे.

- सागर शिर्के, ग्रामस्थ आहिरेगाव