मुळशी धरणात बुडून दोघांचा मृत्यू 

माले (पुणे) : मुळशी धरण परिसरात दोन वेगवेगळ्या घटनांमध्ये सोमवारी बुडून दोघांचा मृत्यू झाला. दोघांचेही मृतदेह मंगळवारी सापडले.

वळणे येथील घटनेत किशोर अनंता फाटक (वय ४२, रा. शिरवली, ता. मुळशी) याचा, तर ढोकळवाडी येथे अरुणाचल प्रज बिहारी (वय २०, रा. उत्‍तर प्रदेश) याचा मृत्यू झाला आहे. 

कोरोनाला हरविण्यासाठी काय पण, बारामतीत आजोबांकडून रक्तदान  

किशोर व त्‍याचे मित्र सोमवारी वळणे येथे, तर अरुणाचल व त्‍याचे मित्र ढोकळवाडी येथे मुळशी धरणाच्‍या पाण्‍याजवळ फिरण्‍यास गेले होते. यावेळी ते पाण्‍यात बुडाले. या दोन्‍ही घटनांमध्‍ये परिसरात दारुच्‍या बाटल्‍या आढळल्‍या आहेत. त्‍यामुळे दारू पिऊन पोहण्‍याच्‍या प्रयत्‍नात ते बुडाले असल्‍याचा प्राथमिक अंदाज पोलिसांनी वर्तवला आहे. सोमवारी अंधार व पाऊस असल्यामुळे शोधकार्यात अडथळे आले. मंगळवारी सकाळी पुन्‍हा शोध घेण्‍यात आला. दुपारी दोन वाजताच्‍या सुमारास किशोर याचा मृतदेह आढळून आला. तर तीन वाजता अरुणाचल याचा मृतदेह सापडला. 

पुण्याच्या इतर बातम्या वाचण्यासाठी येथे क्लिक करा

पोलिस उपनिरीक्षक अनिल लवटे, हवालदार मंगेश लांडगे, मुळशी आपत्‍ती व्‍यवस्‍थापन समितीचे कार्यकर्ते व अग्नीशमन दलाच्‍या जवान, स्‍थानिक युवक यांनी शोध कार्य केले.