Uber Cab Pune : कॅबचालकांच्या संपात उबरचा सहभाग नाही

पुणे : कॅबचालकांच्या मंगळवारी (ता. २०) होणाऱ्या संपात ‘उबर’चे कॅबचालक सहभागी होणार नाहीत. त्यामुळे प्रवाशांसाठी आमची सेवा नियमितपणे सुरू राहील, असे स्पष्टीकरण या कंपनीने गुरुवारी दिले.

शहरात सुमारे ५० हजार कॅबचालक आहेत. त्यात ‘उबर’च्या चालकांची संख्या मोठी असल्याचा कंपनीचा दावा आहे. प्रादेशिक परिवहन कार्यालयाने (आरटीओ) निश्‍चित केलेल्या दराप्रमाणे आकारणी करावी, अशी एका संघटनेची मागणी आहे. हे दर सध्याच्या दरापेक्षा जास्त आहेत. वाढीव दराची अंमलबजावणी करण्यास काही कंपन्या तयार नाहीत. त्यामुळे दुसऱ्या एका संघटनेने हा संप पुकारला आहे.