'सवाई' महोत्सव होणार की नाही? वाचा आयोजकांचे काय म्हणणे आहे?

Sawai_Gandharva_Bhimsen_Festival
Sawai_Gandharva_Bhimsen_Festival

पुणे : भारतीय अभिजात संगीताची परंपरा जपणारा, शास्त्रीय संगीत उत्सवातील मानबिंदू सवाई गंधर्व भीमसेन महोत्सव यंदा होणार की नाही, याबाबत अजूनही अनिश्‍चितता आहे. कोरोनामुळे सार्वजनिक कार्यक्रमांना परवानगी नसल्याने आयोजकांना यंदा उत्सवासाठी अद्याप नियोजन करता आलेले नाही. मात्र, या महोत्सवाला राज्य सरकारकडून परवानगी मिळाली, तर मात्र आयोजनांबद्दल विचार केला जाणार आहे. 

महाराष्ट्राच्या सांस्कृतिक राजधानी असलेल्या पुण्यात दरवर्षी डिसेंबर महिन्यात या संगीत महोत्सवाचे आयोजन करण्यात येते. देशा-विदेशातील कलाकारांना ऐकण्याची पर्वणी संगीत रसिकांना मिळते. ऑक्‍टोबर महिन्याअखेर या उत्सवाचे नियोजन पूर्ण होते. गायक, वादक कलाकारांची नावे निश्‍चित होतात. यंदा त्याचे कोणतेही नियोजन अद्याप करण्यात आलेले नाही. त्यामुळे पुण्यात या वर्षी शास्त्रीय संगीताचे सूर घुमणार का, याबद्दल अजूनही अनिश्‍चितता आहे. 

यंदा कोरोनामुळे राज्यभरातील सर्वच सांस्कृतिक कार्यक्रमांवर बंदी घालण्यात आलेली आहे. त्यामुळे सवाई गंधर्व भीमसेन महोत्सवाला परवानगी मिळेल का, अशी शंका आयोजकांना आहे. आर्य संगीत प्रसारक मंडळाचे कार्याध्यक्ष श्रीनिवास जोशी 'सकाळ'शी बोलताना म्हणाले, ''सांस्कृतिक कार्यक्रमांबाबत अनिश्‍चितता आहे, परवानगी मिळेल का, हाही प्रश्‍न आहे. त्यामुळे अजूनतरी आम्ही या वर्षीच्या महोत्सवाबाबत कोणताही निर्णय घेतलेला नाही.'' 

केंद्र सरकारने येत्या पंधरा ऑक्‍टोबरपासून सिनेमागृहे सुरू करण्यास परवानगी दिली आहे. पुढील काळात सांस्कृतिक कार्यक्रमांनाही परवानगी मिळेल, असे निदर्शनास आणून दिले असता श्रीनिवास जोशी म्हणाले, ''सांस्कृतिक कार्यक्रमासाठी राज्य सरकारकडून परवानगी दिल्यास 'सवाई'च्या आयोजनाबाबत निश्‍चित विचार केला जाईल.''

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com