ईसीएचएस अंतर्गत आता दिव्यांग मुले 25 वर्षानंतरही वैद्यकीय सुविधेसाठी पात्र

पुणे - लष्करातील जवानांची मुले ज्यांचे वय 25 वर्षाहून जास्त आहे तसेच ते अविवाहित व कायमस्वरूपी अपंग आहेत अश्या मुलांना माजी सैनिक अंशदायी आरोग्य योजनेच्या (ईसीएचएस) अंतर्गत वैद्यकीय लाभ मिळणार आहे. याबाबतचे परिपत्रक नुकतेच संरक्षण मंत्रालयाच्या तर्फे जाहीर करण्यात आले आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आतापर्यंत अविवाहित, कायमस्वरुपी अपंग आणि आर्थिकदृष्ट्या परावलंबी तसेच ज्यांच्या वयाची २५ वर्षे पूर्ण झाली अशा सैनिकांच्या मुलांना ईसीएचएस लाभार्थी व त्यांना ईसीएचएस अंतर्गत वैद्यकीय सुविधा मिळण्यास पात्र समजण्यात येत नव्हते. ही नियमावली केंद्र सरकारच्या आरोग्य योजनेनुसार (सीजीएचएस) काढण्यात आली होती व सध्या याच नियमावलींचे पालन केले जात आहे.

आम्ही लढतोय न घाबरता, न डगमगता; सांगतेय कोरोनाशी झुंजणाऱ्या कुटुंबातील एकजण...

मात्र वयाच्या 25 वर्षानंतर कुठल्याही घटनेमुळे माजी सैनिकाच्या मुलाला कोणत्याही प्रकारे अपंगत्व आले तर अशी वैद्यकीय सुविधा मिळण्यास अडचणी येऊ नयेत या हेतूने ही सुविधा देण्यात आली आहे. याबाबत संरक्षण मंत्रालय आणि माजी सैनिक कल्याण विभागाने सीजीएचएस लाभार्थ्यांचे पुत्र ज्यांना वयाच्या 25 वर्षानंतर दिव्यांगत्व आले आहे, आणि ते आपल्या वडिलांवर अवलंबून आहेत अश्या मुलांना या योजनेचा लाभ घेण्यासाठी पात्र ठरविण्यात आले आहे.

Edited By - Prashant Patil