बारावीतील मराठी विषय ‘ॲप’द्वारे घ्या समजून

पुणे - कोरोनाचा वाढता संसर्ग आणि या काळात ऑनलाइन वर्गांना मिळणारे प्राधान्य लक्षात घेऊन बारावीतील मराठी विषय समजावून देण्यासाठी सहा शिक्षकांनी ‘ओंजळ’ हे नवे ॲप विकसित केले आहे. विद्यार्थी आणि शिक्षकांसाठी हे ॲप विनामूल्य उपलब्ध केले आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

‘शाळा नव्हे, तर शिक्षण सुरू,’ हे यंदाच्या शैक्षणिक वर्षाचे वैशिष्ट्य म्हणावे लागेल. काही विद्यार्थ्यांचे ऑनलाइन वर्गही सुरू झाले आहेत. 

अजित पवारांच्या बैठकीकडे शहरातील सोसायट्यांचे लक्ष; का? वाचा सविस्तर!

विद्यार्थ्यांची गरज लक्षात घेऊन बारावी मराठी विषयाच्या विद्यार्थ्यांसाठी ‘ओंजळ’ हे ॲप तयार केले आहे. याची निर्मिती बारावी मराठी भाषा पाठ्यपुस्तक अभ्यासगटातील सदस्य डॉ. सुजाता शेणई, शीतल सामंत, डॉ. पांडुरंग कंद, सुचेता नलावडे, रेणू तारे आणि आरती देशपांडे यांनी स्वयंस्फूर्तीने केली आहे.

हवेली तालुक्यातील सूक्ष्म प्रतिबंधित क्षेत्र जाहीर; कुठले आहेत पाहा

ठळक वैशिष्ट्ये...

• पाठ्यपुस्तकातील प्रत्येक घटकावर विवेचन.
• पीपीटी, कृती आणि व्हिडिओ दिसणार.
• त्या त्या क्षेत्रांतील तज्ज्ञांचे काही व्हिडिओ.
• पाठ्यपुस्तकातील कवी, लेखक यांची टिपणे.
• एखाद्या पाठाचा विचार कसा करावा आणि तो स्वतःच्या भाषेत अभिव्यक्त कसा करावा, हे यातून समजेल.

असे डाऊनलोड करा ॲप
 गुगल प्ले स्टोअरवर ‘ओंजळ’ हा शब्द लिहा आणि ॲप शोधा
आवश्‍यक लिंक ः https://play.google.com/store/apps/details?id=com.online.book.hscmarathi