कोरोनानं काय वेळ आणली; बेरोजगार झालेला तरुण बनला चोरटा!

पुणे : बारावी पूर्ण झालेला देवराम चिल्लावार हा रांजणगाव भागातील एका नामांकित कंपनीत नोकरी करीत. मात्र, लॉकडाउन काळात काम बंद झाल्यामुळे तो गेल्या दीड महिन्यापासून बेरोजगार होता. पैसे नसल्याने गुजराण कशी करायची, अशी चिंता त्याला सतावत होती. त्यामुळे त्याने चोरीचा मार्ग निवडला. त्याच्या गुन्ह्यांची खबर मिळताच पोलिसांनी त्याला अटक केली आहे.

- तुम्ही लठ्ठ आहात? तर तुम्हाला कोरोना होण्याची शक्यता अधिक!​

22 वर्षीय देवराम हा रांजणगावमधील आशापुरा मार्केट परिसरात राहायला आहे. तो मूळचा यवतमाळ जिल्ह्यातील रहिवासी आहे.
ओएलएक्‍सवर मोबाईल विक्रीची जाहिरात पाहून तो विक्रेत्यास भेटायला बोलावून घेई. त्यानंतर पैसे आणण्याचा बहाणा करीत मोबाईल घेऊन पळून जात असे. स्वारगेट पोलिसांनी तपास करीत त्याला अटक केली. त्याच्याकडून 16 मोबाईल, एक लॅपटॉप आणि एक दुचाकी असा सहा लाख रुपयांचा ऐवज जप्त केला आला आहे.

- मास्क न घालणाऱ्यांवर कारवाई सुरुच; पोलिसांनी ८ दिवसांत...​

स्वारगेट पोलिस ठाण्यातील वरिष्ठ निरीक्षक ब्रम्हानंद नाईकवडी यांच्या मार्गदर्शनाखाली सहायक निरीक्षक अमोल रसाळ, कर्मचारी सज्जाद शेख, महेश जगताप, महेश काटे, सचिन दळवी, शिवाजी सरक, सोमनाथ कांबळे, सोनाली खुटवड यांच्या पथकाने तपास करीत देवराम याला ताब्यात घेतले. आरोपीवर लोणीकंद, चाकण, यवत, चंदननगर आणि खडकी पोलिस ठाण्यात गुन्हे दाखल आहेत. अशाप्रकारे कोणाचा मोबाईल चोरीस गेला असेल, तर त्याने पोलिस ठाण्यात संपर्क साधावा, असे आवाहन स्वारगेट पोलिसांनी केले आहे.

- मास्क न घालणाऱ्यांवर कारवाई सुरुच; पोलिसांनी ८ दिवसांत...​

पैसे काढण्याच्या बहाण्याने ठोकत धूम :
देवराम याने ओएलएक्‍सवर मोबाईल विक्रीची जाहिरात पाहून एका विक्रेत्याशी संपर्क साधला. मोबाईल खरेदी करायचा आहे, अशी बतावणी करीत त्यांना स्वारगेट येथे बोलावून घेतले. त्यानंतर मोबाईल पाहायच्या उद्देशाने तो हातात घेत आता माझ्याजवळ कॅश नाहीत. एटीएममधून काढून देतो, असे सांगितले. दोघेही एटीएमजवळ गेल्यानंतर विक्रेता दुचाकीवरून खाली उतरल्यानंतर देवरामने मोबाईलसह तेथून धूम ठोकली होती. रविवारी (ता.6) हा प्रकार घडला होता. याबाबत गुन्हा दाखल करण्यात आला आहे. खबऱ्यांकडून मिळालेल्या माहितीवरून त्याला अटक करण्यात आली.

- पुण्याच्या बातम्या वाचण्यासाठी येथे ► क्लिक करा

(Edited By : Ashish N. Kadam)