तपासणी न करताच माल सील करणे अन्यायकारक

मार्केट यार्ड (पुणे) : मार्केटयाडार्तील व्यापाऱ्यांकडील मालाची तपासणी न करताच सील करणे चुकीचे आणि अन्यायकारक आहे. एफडीए प्रशासनाकडून ऐन सणासुदीच्या काळात जाणूनबुजून माल सील केला जात असून याचा व्यापारावर परिणाम होत आहे. मालाचे सँपल घेऊन त्यात भेसळ आढळली तर कारवाई करावी परंतु त्याधीच माल सील करून तो विकण्यास बंदी घातली जात असल्याचा आरोप दि पुना मर्चंटस चेंबरचे अध्यक्ष पोपटलाल ओस्तवाल यांनी सोमवारी पत्रकार परिषदेत केला.

उपाध्यक्ष अशोक लोढा, सचिव विजय मुथा, माजी अध्यक्ष वालचंद संचेती, नगरसेवक प्रविण चोरबेले, माजी अध्यक्ष राजेंद्र बाठिया, तेलाचे व्यापारी कन्हैय्यालाल गुजराथी, रायकुमार नहार आदी उपस्थित होते.

ताज्या बातम्यांसाठी डाऊनलोड करा ई-सकाळचे ऍप
पुण्याच्या बातम्या वाचण्यासाठी येथे ► क्लिक करा

२२ ऑक्टोंबर रोजी एफडीए प्रशासनाकडून मार्केटयार्डात व्यापाऱ्यांवर कारवाई करून जवळपास ३६ लाख रुपयांचा माल सील केला आहे. एफएसएसएआय कायद्यातील काही तरतूदी अव्यवहार्य असून या तरतूदींचे पालन करणे बंधनकारक आहे. या तरतूदींचा आधार घेवून मालाचे नमूने घेवून माल सील केला जात आहे. वास्तविक व्यवसायिक कारवाई झालेल्या मालाचा उत्पादक नसून फक्त विक्रेते आहेत.

मालाची तपासणी करण्यासाठी आमची हरकत नाही. मात्र सील केल्यामुळे मालाची रक्कम तसेच जागा गुंतून पडते. त्यामुळे व्यावसायावर मोठ्या प्रमाणात परिणाम होत असल्याचे ओस्तवाल यांनी सांगितले.आम्ही काय काळजी घेतली म्हणजे माल सील होणार नाही याचा खुलासा केल्यास व्यवसाय करणे शक्य होईल. अन्यथा सणासुदीच्या दिवसात मागविलेल्या मालावर कारवाई झाल्यास पुढील माल मागविणे शक्य होणार नाही़ त्यामुळे मालाचा पुरवठा विस्कळीत होण्याची शक्यता आहे़. कायदा राबविताना फक्त तरतूदींचा विचार न करता व्यवहार्य पध्दतीने ग्राहकांना चांगला माल मिळावा याचा विचार केला जावा अशी मागणीही ओस्तवाल यांनी केली.

तब्बल पावणे अकरा लाखाच्या मेफेड्राॅनसह 16 लाखाचा मुद्देमाल जप्त; दोघाना अटक

नामांकित कंपन्यांकडून ज्या स्थितीत माल प्राप्त झाला आहे. त्या स्थितीत तो विक्री केला जातो. सर्वच पॅकबंद माल व्यावसायिकाने खाजगी लॅबमध्ये तपासणी करुन शक्य नाही. तसेच जे व्यावसायिक सुट्टया मालाची खरेदी करुन रिपॅकिंग करतात असे व्यावसायिक संबंधित मालाचा तपासणी अहवाल मालासोबत कंपन्यांकडून मागवत असतात.
-  कन्हैय्यालाल गुजराथी, तेलाचे व्यापारी. 

पुण्यात हायवेलगत हॉटेलमध्ये सुरू होता वेश्या व्यवसाय; मराठी तरुणीसह दोघींची...