बाप्पा कधी रे दर्शन देणार? दगडूशेठ हलवाई गणपतीच्या भक्तांना पडलाय प्रश्न

पुणे : श्रीमंत दगडूशेठ हलवाई गणपती मंदिर म्हणजे महाराष्ट्रातीलच नव्हे तर, देशातील लाखो भाविकांचे श्रद्धास्थान. बाहेरचे लोक पुण्यात आले आणि त्यांनी दगडूशेठ हलवाई ट्रस्टच्या गणपतीचे दर्शन घेतले नाही, असे सहसा होत नाही. केंद्र सरकारने लॉकडाउनमध्ये 30 मे पासून काही प्रमाणात शिथिलता दिली. त्यानुसार काही राज्यांनी मंदिरे खुली केली आहेत तर, महाराष्ट्रात मात्र, मंदिरे अद्याप बंद आहेत. 

कोरोनामुळे केंद्र सरकारने 25 मार्चपासून लॉकडाउन जाहीर केला आहे. तेव्हापासून देशातील मंदिरे बंद करण्यात आली आहेत.  दुसरीकडे दगडूशेठ हलवाई गणपतीची भाविकांमध्ये वेगळी श्रद्धा आहे. अगदी सीमेवरच्या जवानांनाही दगडूशेठचा गणपती आपल्या सोबत आहे, ही भावना सुखावते म्हणूनच दगडूशेठ गणपतीची मूर्ती नुकतीच काश्मीरला रवाना झाली आहे. 

पुण्यातील इतर बातम्या वाचण्यासाठी क्लिक करा

ट्रस्टचे उत्सव प्रमुख आणि महापालिकेच्या स्थायी समितीचे अध्यक्ष हेमंत रासने म्हणाले, लॉकडाउनमध्ये केंद्र सरकारने जरी शिथिलता दिली असली तरी, राज्य सरकारने अद्याप शिथिलता दिलेली नाही. त्यामळे सध्या मंदिर बंदच आहे. 30 जूननंतर या बाबत निर्णय होईल, अशी अपेक्षा आहे. त्यानुसार मंदिर खुले करण्याचा निर्णय होणार आहे. 

रस्त्यावर थुंकणाऱ्यांनो आता तरी सुधारा! स्वतःसह इतरांचा जीवही घालताय धोक्यात

पुण्याच्या मध्यभागात असलेले दगडूशेठ हलवाई गणपती मंदिर हे लक्ष्मी रस्त्यालगत आहे. तसेच येथून महिलांचे आकर्षण असलेली तुळशीबाग ही देखील हाकेच्या अंतरावर आहे. इतिहासात नोंद असलेला शनिवारवाडाही काही पावलांवरच आहे. त्यामुळे दगडूशेठच्या गणपतीला आले की भाविकांची मध्य पुण्याची सहल आपोआपच होते. त्यामुळेच या बाप्पाची क्रेझ आहे. पण त्याचे मंदिरात जावून दर्शन घेण्यासाठी भाविकांना काही काळ वाट पहावी लागणार, हे नक्कीच. 

विद्यार्थ्यांनो, आयसरमधून विज्ञान शाखेत संशोधनाची अपूर्व संधी

दगडूशेठ हलवाई गणपतीचे भक्त केवळ पुण्यात आहेत असे नाही. पुण्याच्या बाहेरूनही मुंबई, नाशिक, नगर, कोल्हापूर या शहरांतूनही दगडूशेठ हलवाईचे दर्शन घेण्यासाठी भाविक येत असतात. कोरोनाच्या संकटात पुणे शहर रेड झोनमध्ये आहे. लॉकाडाउन शिथील झाला असला तरी, पुणे शहरात येण्यास मनाई आहे. त्यातच मंदिर असलेल्या भागातही कोरोनाग्रस्त रुग्णांची संख्या अधिक आहे. त्यामुळं गणरायचं दर्शन घेण्यासाठी केवळ पुण्यातीलच नव्हे तर, पुण्याच्या बाहेरील भाविकही वाट पाहत आहेत.