सुनील जगताप,उरुळी कांचन : उरुळी कांचन पोलीस स्टेशन मधील दोन पोलीस कर्मचारी विषारी दारू कनेक्शन मधून सेवेतून निलंबित..शहर पोलिसांनी राधेश्याम प्रजापती याला उरुळी कांचन येथून "विषारी दारू प्रकरणी "अटक केल्यानंतर उरुळी कांचन येथील दारू उत्पादन हे या प्रकरणात अधिक प्रकर्षाने पुढे आले होते. त्या अनुषंगाने पुणे ग्रामीण पोलीसचे अधिक्षक संदीप सिंह गिल यांनी, अप्पर पोलीस अधिकारी बारामती विभाग यांची चौकशी समिती नियुक्त केली होती. .त्या चौकशी समितीच्या अहवालानुसार उरुळी कांचन येथील दोन पोलीस हवालदार राधेश्याम प्रजापती यांच्या संपर्कात होते ही बाब समोर आल्याने, त्यांचे हे कृत्य पोलीस सेवेच्या अटी शर्तीनुसार गैर वर्तणुकीची असल्याने, त्यांच्या निलंबनाचे आदेश आज निर्गमित करण्यात आले आहेत. अजित शिवाजी काळे आणि सुमित नंदकुमार वाघ अशी त्या दोघांची नावे आहेत..निलंबनाच्या काळात या दोघांकडून साक्षीदारांवर दबाव येण्याची शक्यता लक्षात घेऊन, त्यांना पोलीस मुख्यालय पाषाण येथे हजर राहण्याची शक्ती केलेली आहे. तसेच कार्यालय प्रमुखाच्या परवानगी शिवाय मुख्यालय सोडण्यास बंदी असेल असे निलंबनाच्या आदेशात नमूद केले आहे..या दोघांच्या निलंबनाने उरुळी कांचनचे विषारी दारू संदर्भातील कनेक्शन, जे इतका वेळ संशयास्पद होते ते अधोरेखित झाले आहे. त्यामुळे सर्वसामान्य नागरिकांच्या तक्रारी व मागण्यांकडे पोलीस खाते डोळे झाक करत होते हेच सिद्ध झाले. स्वतःचे खिसे भरण्यासाठी अनेकांचे संसार उध्वस्त करणारी ही कृती अतिशय गंभीर असल्याची चर्चा उरुळी कांचन परिसरात चौकाचौकात होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
