कोरोनाच्या निदानासाठी होणार कृत्रीम बुद्धिमत्तेचा वापर, पण कसा? वाचा सविस्तर

पुणे : कोविड-19च्या जलद आणि अचूक निदानासाठी आता कृत्रीम बुद्धिमत्तेचा वापर करण्यात येणार आहे. त्यासाठी एक्‍स-रेच्या आधारावर निदान करणारे तंत्र देशातील शास्त्रज्ञांनी विकसित केले आहे. लखनऊ येथील डॉ.ए.पी.जे अब्दूल कलाम तंत्रज्ञान विद्यापीठ (केटीएमयू) आणि किंग जॉर्ज आरोग्य विद्यापीठाच्या शास्त्रज्ञांचा (केजीएमयू) या संशोधनात सहभाग आहे. 

पुण्यातील "या' भागात १० दिवस असणार कडक बंद 

कोरोना बाधितांच्या छातीच्या एक्‍स-रेच्या उपलब्ध डेटाच्या आधारे ही पद्धत किंवा सॉफ्टवेअर विकसित करण्यात येणार आहे. प्रा.विनय कुमार पाठक म्हणाले, "कोरोनाच्या अचूक निदानासाठी अत्याधुनिक तंत्रज्ञानाचा वापर करायला हवा. त्यासाठी आवश्‍यक डेटासेट विकसित करण्यात येत आहे. कृत्रीम बुद्धिमत्तेच्या वापरातून जलद आणि मोठ्या लोकसंख्येचे निदान आपल्याला करता येईल.'' रुग्णांचा आवश्‍यक डेटा सेट केजीएमयूमध्ये विकसित करण्यात येणार आहे. तर मशिन लर्निंग आणि कृत्रीम बुद्धिमत्तेची निगडित काम केटीएमयूमध्ये करण्यात येणार आहे. इतर राज्यातील वैद्यकीय संस्थांची डेटा गोळा करण्यासाठी मदत घेण्यात येणार आहे. 

पुण्याच्या इतर बातम्या वाचण्यासाठी येथे- क्लिक करा

असे होणार कार्य :
- उपलब्ध माहितीच्या आधारे वर्गवारी करणारे डिस्क्रीमनेट्री मॉडेलचा वापर करणार 
- देशभरातील कोरोना बाधितांच्या छातीच्या एक्‍स-रेचे नमुने गोळा करण्यात येईल 
- उपलब्ध नमुन्यांचे अध्ययन करून वर्गवारीची पद्धत निश्‍चित करण्यात येईल 
- निमोनिया, सार्स, सामान्य संसर्गजन्य आजार आणि सामान्य व्यक्तीच्या एक्‍स-रेचा तुलनात्मक अभ्यास 
- त्यातून तयार होणाऱ्या डेटासेटच्या आधारे कोविड-19चे निदान 

 पुणेकरांनो सावधान, या भागात वावरतोय बिबट्या

''कोरोना रुग्णाच्या छातीचा एक्‍स-रे सामान्य व्यक्ती आणि इतर रुग्णांपेक्षा वेगळा असतो. मोठ्या डेटासेटच्या आधारे वर्गीकरणाचे पद्धत विकसित झाल्यास मशिन लर्निंगच्या साहाय्याने निदानासाठी सॉफ्टवेअर विकसित करण्यात येणार येईल. लवकरच हे तंत्रज्ञान उपलब्ध होऊन जलद गतीने चाचणी करणे शक्‍य होईल.''
- प्रा. एम.एल.बी. भट्ट, कुलगुरू, केजीएमयू