पुणेकरांनो, सावधान ! 'या' भागात वावरतोय बिबट्या

मांजरी (पुणे) : लॉकडाउनच्या पार्श्वभूमीवर माणसांची वर्दळ कमी झाल्याने दिवेघाट व पायथ्याच्या परिसरात बिबट्यासह इतर प्राणी-पक्षी मुक्त संचार करू लागले आहेत. मात्र, या भागात बिबट्या दिसण्याची वारंवारता वाढल्याने वडकी फुरसुंगी परिसरातील नागरिक धास्तावलेले आहेत. 

पुण्यातील "या' भागात १० दिवस असणार कडक बंद 

रामदरा ते कानिफनाथ पायथा या डोंगर रांगेच्या परिसरात सध्या सायाळ, हरिण, मुंगूस, उदमांजर, मोर, माकड, ससे व विविध प्रकारचे पक्षांचे दर्शन होऊ लागले असल्याचे स्थानिक नागरिक सांगत आहेत. या प्राण्या पक्षांबरोबरच बिबट्याचा वावरही येथे वाढला आहे.

पुण्यात बघता बघता येरवडा परिसर बनला कंटेन्मेंट झोन

वाहनांची वर्दळ कमी असल्याने थेट दिवे घाटातून हा बिबट्या फिरताना व पहुडताना प्रवाशांना दिसला आहे. कधी पुरंदर तालुका हद्दीत तर कधी वडकी (हवेली तालुका) हद्दीत हा बिबट्या वावरताना दिसत आहे. दोन्ही हद्दीतील वन अधिकाऱ्यांनी याला दुजोरा दिला आहे. 

पुण्याच्या सुपर आजीबाईंना, कोरोनाला हरवले

वनाधिकारी राहुल रासकर म्हणाले, "गेल्या काही दिवसांपासून दिवे घाटाच्या परिसरात बिबट्याचे वास्तव्य असल्याच्या तक्रारी नागरिकांकडून आलेल्या आहेत. परिसराच्या पाहणीत बिबट्याच्या पायाचे ठसेही मिळाले आहेत. हा बिबट्या घाट परिसरात फिरत असल्याने त्याला पकडण्यासाठी पिंजरा कोठे लावता येईल,

पुण्याच्या इतर बातम्या वाचण्यासाठी येथे- क्लिक करा

याबाबत दोन्ही हद्दीतील अधिकारी विचार करीत आहेत. योग्य ठिकाण पाहून पिंजरा लावण्यात येईल.'