डिजिटल तंत्रज्ञानाचा वापर हिताचा

पुणे - मराठी भाषेचा जागतिक स्तरावर प्रसार आणि प्रचारासाठी डिजिटल तंत्रज्ञान हे उपयुक्त ठरणारे आहे. त्यामुळे यापुढील काळात त्याचा वापर अधिकाधिक प्रमाणात करणे हिताचे होणार आहे, असे मत ‘डिजिटलविश्वातील जागतिक मराठी’ या विषयावरील परिसंवादात उमटले.

ताज्या बातम्यांसाठी डाऊनलोड करा ई-सकाळचे ऍप 

‘स्टोरीटेल’ने जागतिक मराठी दिनानिमित्त हा परिसंवाद आयोजित केला होता. ‘सकाळ’चे संपादक सम्राट फडणीस, माजी साहित्य संमेलनाध्यक्ष लक्ष्मीकांत देशमुख, विनायक पाचलग, ‘स्टोरीटेल इंडिया’चे प्रमुख योगेश दशरथ, पत्रकार संजय आवटे आणि अभय कुलकर्णी आदी मान्यवर या वेळी उपस्थित होते.

पुणे पोलिसांच्या सेवा कार्यप्रणालीस देशपातळीवरील विशेष पुरस्कार!

देशमुख म्हणाले, ‘‘मराठी शाळांची संख्या कमी होत आहे. त्यामुळे अमराठीकरण वेगाने होते आहे. मराठीबरोबर अन्य भाषा शिकणे चूक नाही. पण, मराठीला दुय्यम स्थान दिले जाऊ नये. मराठी विद्यापीठ झाले, तर ज्ञानभाषेला मदत होणार आहे. ’’

आवटे म्हणाले, ‘‘डिजिटल माध्यमांमुळे अनेकांना अभिव्यक्त होण्याची संधी उपलब्ध झाली आहे. त्याचप्रमाणे माध्यमात होणारे बदल स्वीकारले पाहिजेत.’’

महत्त्वाची बातमी : जात वैधता प्रमाणपत्र पडताळणीसाठी विशेष मोहिम 1 एप्रिलपासून!

योगेश दशरथ म्हणाले, ‘‘सध्या ऑडिओ आणि व्हिडिओचा वापर मोठ्या प्रमाणावर होत आहे आणि यापुढील काळात वाढीला संधी भरपूर प्रमाणावर असणार आहे. जागतिक स्तरावरील भाषेच्या वाढीसाठी अत्याधुनिक तंत्रज्ञान उपयुक्त असले, तरी वाचकांना मिळणारे संदर्भ गुणवत्तापूर्ण असावेत.’’ सुकीर्त गुमास्ते यांनी सूत्रसंचालन केले.