Solapur Malvandi clash during Khandoba temple event; two injured after group fight
पुणे : उत्तमनगर आणि शिवणे परिसरातील दोन सराफा दुकानांवर सशस्त्र दरोडा टाकण्याचा प्रयत्न केल्याच्या घटना घडल्या. या झटापटीत दोन्ही सराफ व्यावसायिकांना किरकोळ दुखापत झाली आहे. लागोपाठ दोन दिवस घडलेल्या या घटनांमुळे परिसरातील सराफा व्यावसायिकांमध्ये चिंतेचे वातावरण आहे. पोलिसांनी दिलेल्या माहितीनुसार, उत्तमनगर येथील एनडीए रस्त्यावर धावडे पेट्रोल पंपासमोर असलेल्या मोरया ज्वेलर्स येथे रात्री आठच्या सुमारास तिन्ही चोरटे दुचाकीवरून आले. त्यांनी दुकानात घुसून दरोडा टाकण्याचा प्रयत्न केला. परंतु सराफ व्यावसायिकाने प्रतिकार करत आरडाओरडा केला. या प्रतिकारामुळे चोरटे खडकवासला धरणाच्या दिशेने पसार झाले.