पुण्यात १४९ केंद्रांवर आज लसीकरण मोहीम

पुणे: कोरोना प्रतिबंधक लसीकरण मोहिमेंतर्गत उद्या (ता. ४) १३३ केंद्रांवर कोविशिल्डचे तर १६ केंद्रांवर कोव्हॅक्सिनचे लसीकरण केले जाणार आहे.४५ वर्षे वयापुढील ज्या नागरिकांनी १२ मार्चपूर्वी कोविशिल्डचा पहिला डोस घेतला आहे, त्यांना शुक्रवारी लस मिळणार आहे.

६० टक्के लस ४५ वर्षे पुढील नागरिकांना पहिल्या डोससाठी दिली जाईल. यासाठी शुक्रवारी सकाळी ८ वाजता ऑनलाइन नोंदणी करता येईल. उर्वरित डोस दिव्यांग, स्तनदा माता, हेल्थकेअर, फ्रंट लाईन वर्कर्स यांना दिली जाईल. याशिवाय, लस शिल्लक असेल तर ऑन दि स्पॉट नोंदणी करणाऱ्यांना देण्यात येईल.

शहरात १६ ठिकाणी कोव्हॅक्सिनचे लसीकरण होणार आहे. ६० टक्के लस १८ वर्षांवरील ज्यांनी ७ मे पूर्वी पहिला डोस घेतला आहे, त्यांना दुसऱ्या डोससाठी प्राधान्य दिले जाणार आहे. उर्वरित ४० टक्के लस ऑन दी स्पॉट आलेल्यांना दुसरा डोस देणार आहे.