बारामतीत सोमवारपासून 15 ते 18 वयोगटातील मुलांचे लसीकरण होणार सुरु | Sakal
sakal

बोलून बातमी शोधा

vaccination
बारामतीत सोमवारपासून 15 ते 18 वयोगटातील मुलांचे लसीकरण होणार सुरु

बारामतीत सोमवारपासून 15 ते 18 वयोगटातील मुलांचे लसीकरण होणार सुरु

बारामती - केंद्र शासनाच्या (Central Government) नवीन निर्देशानुसार बारामती शहर (Baramati City) व तालुक्यातील 15 ते 18 वयोगटातील युवक युवतींसाठी कोवॅक्सिन (Covaxin) या लसीचे लसीकरण (Vaccination) सोमवारपासून (ता. 3) सुरु केले जाणार आहे. वैद्यकीय अधीक्षक डॉ. सदानंद काळे व तालुका आरोग्य अधिकारी डॉ. मनोज खोमणे यांनी या बाबत माहिती दिली.

येत्या 7 जानेवारीपर्यंत बारामती शहर व तालुक्यातील या वयोगटातील जवळपास 22 हजार विद्यार्थ्यांना लसीकरणाचे उद्दीष्ट आरोग्य विभागाने निश्चित केले असून शाळा महाविद्यालयांच्या मदतीने ते पूर्ण केले जाणार आहे.

बारामती शहरातील शाळांमधून सोमवारपासून विद्यार्थ्यांना लसीकरण केले जाणार आहे. शाळांच्या माध्यमातून संमतीपत्रक घेऊनच विद्यार्थ्यांना लसीकरण केले जाणार आहे. दरम्यान बारामती एमआयडीसीतील महिला ग्रामीण रुग्णालयात दिवसभर या वयोगटातील मुला मुलींना लसीकरण केले जाणार आहे.

हेही वाचा: बारामती नगरपालिका नागरिकांकडून प्लॅस्टिकचा कचरा विकत घेणार

अगोदर नोंदणी केलेली नसली तरीही महिला ग्रामीण रुग्णालयात लसीकरण होणार आहे. विद्यार्थ्यांनी सोबत ओळखपत्र घेऊन यावे असे आवाहन करण्यात आले आहे. शाळांमधूनही लसीकरणाची मोहिम राबवली जाणार आहे, शिवाय शहर व ग्रामीण भागात प्राथमिक आरोग्य केंद्रातही लसीकरणाची सुविधा उपलब्ध करुन देण्यात येणार आहे. शहर व तालुक्यात शाळा महाविद्यालयात जाऊन व प्राथमिक आरोग्य केंद्र अशा दोन्हीही ठिकाणी लसीकरणाची सुविधा उपलब्ध राहणार आहे.

पालकांनी या वयोगटातील आपल्या मुलांचे लसीकरण करुन घेण्याचे आवाहन प्रशासनाने केले आहे. कोविडपासून मुलांचे संरक्षण करण्याच्या दृष्टीने लसीकरण महत्वाचे आहे, त्या मुळे पालकांनी लवकरात लवकर हे लसीकरण करुन घ्यावे असे सुचविण्यात आले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top