Landslide debris remains along the Varandha Ghat section of the Bhor Mahad Road, raising serious road safety concerns as heavy rain may trigger fresh landslides.
Sakal
हिर्डोशी : भोर महाड मार्गावरील वरंधा घाट परिसरात ५ ते ७ जुलैला झालेल्या पावसात हिर्डोशी ते उंबर्डे दरम्यान २० हून अधिक दरडी कोसळल्या होत्या. दरडींचा राडारोडा रस्त्यावर आल्याने रस्ता बंद झाला होता. दरम्यान, प्रशासन व ठेकेदार यांनी तातडीने यंत्रणा लावून दरडी हटवून रस्ता तात्पुरत्या स्वरूपात एकेरी वाहतूकीस खुला केला. मात्र, ज्या ठिकाणी दरडी रस्त्यावर आल्या आहेत तेथे आज ही रस्त्याच्या बाजूला माती व राडारोड्याचे ढिगारे दिसून येत आहेत. हे ढिगारे पावसात पुन्हा रस्त्यावर येण्याची शक्यता असल्याने ती ठिकाणे धोकादायक झाली आहेत. त्यामुळे अशा धोकादायक ठिकाणी योग्य त्या उपाययोजना करण्याची मागणी होत आहे.
