अजित पवार आणि हर्षवर्धन पाटील आले एकत्र; काय झाली चर्चा?

पुणे : वसंतदादा शुगर इन्स्टिट्यूटची 43 वी वार्षिक सर्वसाधारण सभा आज पार पडली. मुख्यमंत्री उद्धव ठाकरे हस्ते ऊस भूषण पुरस्कारांचे वितरण करण्यात आले. यावेळी नेते अजित पवार व हर्षवर्धन पाटील एकत्र बसले होते याचीच चर्चा मिडीयात सुरु होती.

यावेळी मुख्यमंत्री उद्धव ठाकरे, माजी केंद्रीय मंत्री शरद पवार, महसूलमंत्री बाळासाहेब थोरात, अर्थमंत्री जयंत पाटील, अजित पवार, विजयसिंह मोहिते-पाटील, हर्षवर्धन पाटील, राजेश टोपे, प्रकाश आवाडे, आमदार रोहित पवार आदी उपस्थित होते.

दरम्यान, वसंतदादा शुगर इन्स्टिट्यूटचे उपाध्यक्ष दिलीप वळसे-पाटील यांनी शरद पवार, मुख्यमंत्री उद्धव ठाकरे यांचे स्वागत केले. यावेळी साखर संघाच्या दिनदर्शिकेचे मुख्यमंत्र्यांच्या हस्ते प्रकाशन करण्यात आले. 

ताज्या बातम्यांसाठी डाऊनलोड करा ई-सकाळचे ऍप

तसेच यावेळी दत्त शेतकरी साखर कारखाना शिरोळ तालुका हातकणंगले येथील शेतकरी जवाहर पोतदार यांना खोडवा हंगामातील पहिला पुरस्कार मिळाला. मध्य विभागातून पांडुरंग साखर कारखाना विभाग श्रीपुर माळशिरस सोलापूर विकास व संवर्धन पुरस्कार मिळाला. विभागवार तांत्रिक कार्यक्षमता पुरस्कार विश्वासराव नाईक सहकारी साखर कारखाना सांगलीस तर दूधगंगा वेदगंगा कारखाना कागल कोल्हापूर द्वितीय पारितोषिक मिळाले आहे.

'मोदी आणि शहांची विधाने परस्परविरोधी'

वसंतदादा शुगर इन्स्टिट्यूटच्या या कार्यक्रमात हर्षवर्धन पाटील, अजित पवार एकत्र बसले होते, याचीच चर्चा सोशल मिडीयात रंगली होती. यावेळी मुख्यमंत्री ठाकरे यांनी वसंतदादा शुगर इन्स्टिट्यूटच्या कार्याचा गौरव केला. यावेळी शरद पवार यांनीही सभासदांना मार्गदर्शन केले.

ताज्या बातम्यांसाठी डाऊनलोड करा ई-सकाळचे ऍप