पुणे - परीक्षा सुरळीत पार पाडण्यासाठी पर्यवेक्षक नेमणुकीच्या बदल्यात ४० हजार रुपयांची लाच स्वीकारताना उपप्राचार्याला लाचलुचपत प्रतिबंधक विभागाच्या पथकाने अटक केली. ही कारवाई बारामती येथील ‘हॉटेल सिटी इन’ येथे सोमवारी (ता. २४) करण्यात आली..अवधूत भीमाजी जाधवर (वय ५३) असे अटक करण्यात आलेल्या उपप्राचार्याचे नाव आहे. ते अनंतराव पवार शासकीय औद्योगिक प्रशिक्षण संस्था, माळेगाव (ता. बारामती) येथे उपप्राचार्य पदावर कार्यरत आहेत. सध्या त्यांच्याकडे प्राचार्य पदाचाही अतिरिक्त कार्यभार आहे..तक्रारदार हे खासगी पॅरामेडिकल इन्स्टिट्यूटचे अध्यक्ष असून, त्यांच्या संस्थेतील परीक्षेसाठी ४५ विद्यार्थी परीक्षेला बसले आहेत. या परीक्षेसाठी पर्यवेक्षक नेमण्याची मागणी संबंधित शासकीय संस्थेकडे केली होती. त्या बदल्यात अवधूत जाधवर यांनी प्रत्येक विद्यार्थ्यामागे दोन हजार रुपयांप्रमाणे ९० हजार रुपयांची लाच मागितली..त्यातील १० हजार रुपये आधीच तक्रारदाराकडून स्वीकारले. त्यानंतर पर्यवेक्षक नेमण्याचे पत्र दिले गेले आणि परीक्षा सुरू करण्यात आली. मात्र, उर्वरित ८० हजारांची मागणी सुरूच होती. सततच्या तगाद्यामुळे तक्रारदाराने २३ जून रोजी लाचलुचपत प्रतिबंधक विभागाच्या पुणे कार्यालयात तक्रार दिली..प्राथमिक पडताळणीत तडजोडीनंतर ४० हजार रुपयांवर व्यवहार ठरल्याचे निष्पन्न झाले. त्यानुसार सोमवारी २४ जून रोजी बारामती येथील 'हॉटेल सिटी इन' मध्ये सापळा रचण्यात आला. तक्रारदाराकडून लाच स्वीकारताना अवधूत जाधवर यांना पंचासमक्ष ताब्यात घेण्यात आले..या प्रकरणी पुणे ग्रामीणच्या बारामती तालुका पोलिस ठाण्यात भ्रष्टाचार प्रतिबंध अधिनियमानुसार गुन्हा दाखल करण्याची प्रक्रिया सुरू आहे. ही कारवाई पुणे परिक्षेत्राचे पोलिस शिरीष सरदेशपांडे आणि अतिरिक्त पोलिस अधीक्षक डॉ. शीतल जानवे यांच्या मार्गदर्शनाखाली करण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
