जुन्नर : येथील श्री विघ्नहर सहकारी साखर कारखान्याच्या गाळप हंगाम २५-२६ साठीचे मील रोलरचे पुजन आज शनिवार ता.१२ रोजी सर्व संचालकांच्या उपस्थितीत उत्साहात संपन्न झाले असल्याचे अध्यक्ष सत्यशील शेरकर यांनी सांगितले..याप्रसंगी अध्यक्ष शेरकर,उपाध्यक्ष अशोक घोलप, सर्व संचालक, कार्यकारी संचालक भास्कर घुले व सर्व अधिकारी व कर्मचारी उपस्थित होते.यावेळी बोलताना शेरकर म्हणाले,आगामी गाळप हंगामासाठी मशिनरी देखभाल व दुरुस्तीची कामे प्रगतीपथावर असून ऑक्टोबर महिन्यात कारखाना गाळपासाठी सज्ज होईल.सहवीजनिर्मीती व डिस्टीलरी प्रकल्पांची कामे वेगात सुरु आहेत..यंदा ऊस आडसाली ऊस लागवडीकडे शेतकरी वर्गाचा मोठा कल आहे. ऊस उत्पादक शेतकर्यांना बेणे पुरविण्याची प्रक्रिया सुरु आहे. कारखान्याची दैनंदिन गाळप क्षमता पाच हजार मेट्रीक टनावरुन ७,५०० मेट्रीक टन झाल्याने प्रतीदिन ८५०० ते ९००० मेट्रीक टन ऊसाचे गाळप होणार आहे. आडसाली बरोबर पूर्वहंगामी व सुरु ऊसाची लागवड मोठ्या प्रमाणात करावी त्यामुळे ऊस तोडणीचे नियोजन योग्यप्रकारे करता येईल असे शेरकर यांनी सांगितले.कारखान्यामार्फत हिरवळीचे खत म्हणून ताग बियाणे तसेच विघ्नहर कृषी अमृत सेंद्रिय खताचे वाटप सुरु आहे. सभासद व ऊस उत्पादकांनी याचा लाभ घ्यावा असे आवाहन शेरकर यांनी केले..आगामी ऊस गाळप हंगामात कारखान्याचे सुमारे तेरा लाख मेट्रीक टनापेक्षा अधिक गाळपाचे उद्दिष्ट असून ऊस तोडणी वाहतुक कामगार यांचेशी करार करण्यात येत आहेत. कारखान्याचा ६५ केएलपीडी क्षमतेचा डिस्टीलरी प्रकल्प पूर्ण क्षमतेने चालविला जाणार असल्याचे शेरकर यांनी स्पष्ट केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
