पिंपरी : वाकड-हिंजवडी रस्त्याच्या रुंदीकरणास मुंबई उच्च न्यायालयाने २१ ऑगस्टपर्यंत स्थगिती दिली आहे. शुक्रवारी हा आदेश देण्यात आला. पुणे महानगर प्रदेश विकास प्राधिकरणाने (पीएमआरडीए) ३० वरून ३६ मीटरपर्यंत रुंदीकरणासाठी भूसंपादन किंवा बांधकाम पाडण्याबाबत याचिकाकर्त्यांना कोणतीही पूर्वसूचना दिली नसल्याने न्यायालयाने सध्याच्या परिस्थितीत बदल न करण्याचा आदेश दिला.