esakal | वालचंदनगर पोलिसांचा रुग्णांना दिलासा

बोलून बातमी शोधा

covid19
वालचंदनगर पोलिसांचा ज्येष्ठ रुग्णांना दिलासा
sakal_logo
By
राजकुमार थोरात

वालचंदनगर : इंदापूर तालुक्याच्या पश्‍चिम भागातील कोरोना केअर सेंटर, कोविड सेंटर व ज्येष्ठ नागरिकांना वालचंदनगर पोलस ठाण्याचे साहय्यक पोलिस निरीक्षक दिलीप पवार यांनी भेट देवून रुग्णांना दिलासा व सर्वसामान्य नागरिकांना मानसिक आधार दिला. इंदापूर तालुक्यासह जिल्हामध्ये कोरोनाचे रुग्ण झपाट्याने वाढत आहेत. तालुक्यामध्ये सध्या कोरोनाचे १६६३ अॅक्टिव्ह रुग्ण आहेत. अनेक रुग्णांना बेड व रेमडेसिवीर इंजेक्शन मिळत नसल्याने नागरिक धास्तावले आहेत. पुणे जिल्हाचे पोलिस अधीक्षक अभिनव देशमुख यांच्या संकल्पनेतून वालचंदनगर पोलिस ठाण्याचे साहय्यक पोलिस निरीक्षक दिलीप पवार यांनी इंदापूर तालुक्याच्या पश्‍चिम भागातील व पोलिस ठाण्याच्या हद्दीतील कोरोना केअर सेंटर, कोविड सेंटरला भेटी देवून सेंटरमधील डॉक्टर, कर्मचारी व रुग्णांशी संवाद साधून रुग्णांना आधार दिला. तसेच हॉस्पिटल मध्ये असणारे बेड, ऑक्सिजन, व्हेंटिलेटर, रेमडेसिवीर इंजेक्शनची उपलब्धता यांची माहिती घेतली.

हेही वाचा: जुन्नर तालुक्यात ऑक्सिजन सिलेंडरची तीव्र टंचाई

ऑक्सिजनवरुन कायदा व सुव्यवस्थेचा प्रश्न निर्माण झाला तर पोलिस ठाण्याशी संपर्क साधण्यास सांगितले. लासुर्णेमध्ये कोरोना प्रतिबंधक लसीकरण केंद्राला भेट देवून लसीकरणाची माहिती घेतली. ज्येष्ठ नागरिकांच्या भेटी-गाठी-इंदापूर तालुक्याच्या पश्‍चिम भागातील वालचंदनगर,आनंदनगर व जंक्शन परीसरामध्ये ज्येष्ठ नागरिक मोठ्या प्रमाणात राहत आहेत. अनेक ज्येष्ठ नागरिकांची मुले कामानिमित्त पुणे, मुंबई तसेच परदेशामध्ये आहेत. ज्येष्ठ नागरिक एकटेच घरी राहत असल्याने साहय्यक पोलिस निरीक्षक दिलीप पवार यांनी ज्येष्ठ नागरिकांच्या भेटी घेवून त्यांच्या आरोग्याची चौकशी केली तसेच त्यांना रोगप्रतिकार शक्ती वाढविणारा काढा, व्हिटॅमिन गोळ्या, चवनप्राश, मास्क, सॅनिटायझर देण्यात आले आहेत. तसेच गरज असल्याचे तातडीने पोलिसांना संपर्क करण्यास सांगितले.

हेही वाचा: प्लाझ्मा तुटवडा रोखण्यासाठी पुणे, पिंपरी-चिंचवड महापालिकांना एफडीएचे आदेश