Warje News : वारजेतील पदपथ पादचाऱ्यांसाठी की दुकानदारांच्या जाहिरातीसाठी? मुख्य रस्त्यावरून चालताना अपघाताचा मोठा धोका!

वारजे : वारजे परिसरात महापालिकेने भरपूर निधी खर्च करून पादचाऱ्यांच्या सोयीसाठी पदपथांची निर्मिती केली. मात्र, हे पदपथ प्रत्यक्षात पादचाऱ्यांसाठी नव्हे, तर दुकानदारांच्या अनधिकृत जाहिरातींच्या फलकांसाठी वापरले जात आहेत. ही परिस्थिती इतकी गंभीर झाली आहे की, पादचाऱ्यांना पदपथाऐवजी मुख्य रस्त्यावरून चालावे लागते. त्यामुळे अपघाताचा धोका संभवतो.