चिल्हेवाडी धरणाच्या पाण्याबाबत आमदार अतुल बेनके यांनी केला खुलासा

ओतूर : चिल्हेवाडी (ता. जुन्नर) या धरणातील पाणी हे फक्त जुन्नर तालुक्यातील जनतेसाठीच आहे. धरणातील पाणी हे पिण्यासाठी व सिंचनासाठी राखीव असल्याची माहिती जुन्नर तालुक्याचे आमदार अतुल बेनके यांनी दिली.

- पुण्याच्या बातम्या वाचण्यासाठी येथे ► क्लिक करा

गेल्या काहि दिवसा पासून चिल्हेवाडी धरणातील पाणी अकोले व संगमनेर तालुक्यात पळवले जाण्यार असल्याबाबत सोशल मिडियावर वावड्या उठत असून, हे साफ चुकीचे आहे. एक टिएमसी पेक्षाही कमी साठवण क्षमता असलेल्या चिल्हेवाडी धरणातील शिल्लक पाणीसाठ्याचे संपर्ण नियोजन आधीच झाले आहे. त्यानुसार चिल्हेवाडी धरणाचे पाणी बंदिस्त पाईपलाईन व्दारे फक्त जुन्नर तालुक्यातील नागरीकांसाठी उपलब्ध होणार आहे. 

- ताज्या बातम्यांसाठी डाऊनलोड करा ई-सकाळचे ऍप

चिल्हेवाडी धरण तयार करताना त्यावेळी अभ्यास पूर्वक नियोजन केले गेले असून, त्यानुसार पावसाळ्यातील कमीत कमी २.२१ टिएमसी पाणी नदीव्दारे येडगाव धरणात जाऊन देणे व त्यानंतर धरणातील साठवण क्षमतेनुसार ०.९० टिएमसी पाणी साठवणूक करणे. त्यानंतर मागणीनुसार धरणातून मांडवी नदीला पाणी सोडणे, तसेच बंदिस्त पाईपलाइनव्दारे जुन्नर तालुक्याच्या पूर्वभागात पिण्यासाठी व सिंचनासाठी पाणी देणे. यासाठी ईस्राइल धरतीवर ३९.०८० किमी बंदिस्त पाईपलाईनचे काम सुरु असून २१ किमी पूर्ण झाले आहे. त्या १२.४७० किमी सलग काम पूर्ण झाले आहे.

पत्रकारांच्या विमा संरक्षणाबाबत उपमुख्यमंत्र्यांनी दिले संकेत; अधिवेशनात मांडणार मुद्दा

चिल्हेवाडी धरणातील ०.९० टिएमसी पाण्यावर तालुक्यातील एकूण ६३७२ हेक्टर जमिन सिंचना खाली येणार आहे. त्यामुळे जुन्नर तालुक्यातील चिल्हेवाडी धरणाचे पाणी हे फक्त जुन्नर तालुक्यासाठीच आहे. तरी जनतेने अफवांवर विश्वास  ठेवू नये असे आवाहन आमदार बेनके यांनी केले.

डिंभे धरण विभागाचे कार्यकारी अभियंते संभाजी माने म्हणाले, ''चिल्हेवाडी धरणातील पाणी अकोले किंवा संगमनेर तालुक्याना देण्यासाठी कोणताही पत्रव्यवाहर झालेला नसून धरणातील शिल्लक पाणीसाठ्याचे नियोजन आधिच झाले आहे.''

(Edited by : Sagar Diiprao Shelar)