खडकवासला येथील पाणीपुरवठा विस्कळीत; नागरिकांची गैरसोय

सोमवारपर्यंत पाणीपुरवठा सुरळीत होणार असल्याची अधिकाऱ्यांची माहिती
Water supply disrupted at Khadakwasla Inconvenience to citizens
Water supply disrupted at Khadakwasla Inconvenience to citizenssakal

खडकवासला येथील पाणीपुरवठा विस्कळीत; मोटर नादुरुस्त झाल्याने नागरिकांची गैरसोय; सोमवारपर्यंत पाणीपुरवठा सुरळीत होणार असल्याची अधिकाऱ्यांची माहिती

किरकटवाडी : पुणे शहराला पाणीपुरवठा करणाऱ्या खडकवासला धरणाला लागून असलेल्या खडकवासला गावातील पाणीपुरवठा मागील तीन दिवसांपासून विस्कळीत झाला आहे. पंप हाऊस मधील मोटर नादुरुस्त झाल्याने नारिकांची गैरसोय होत आहे. सोमवारपर्यंत दुरुस्तीचे काम पूर्ण होईल अशी माहिती पालिकेच्या पर्वती विद्युत विभागातील कनिष्ठ अभियंत्यांनी दिली आहे.

तीन दिवसांपूर्वी खडकवासला गावातील डीआयएटी रोड, जयहिंद नगर, भारतरत्न डॉ बाबासाहेब आंबेडकर नगर, मुकाई नगर व कोल्हेवाडीच्या काही भागाला पाणीपुरवठा करणारी मोटर नादुरुस्त झाली आहे. त्यामुळे संबंधित परिसरातील पाणीपुरवठा पुर्णपणे विस्कळीत झाला आहे. नागरिकांची गैरसोय टाळण्यासाठी पालिकेने टॅंकरने पिण्याच्या पाण्याचा पुरवठा सुरू केला आहे. तसेच खडकवासला गावचे माजी सरपंच सौरभ मते यांनीही नागरिकांसाठी टॅंकरने पाणी पुरवठा करण्याची व्यवस्था केली आहे. पालिकेकडून मोटर दुरूस्तीसाठी विलंब होत असल्याने नागरिक संताप व्यक्त करत आहेत.

"तीन दिवसांपासून पाणीपुरवठा बंद आहे. पालिकेकडून दुरुस्तीसाठी होणारा विलंब पाहून ग्रामपंचायतीचा कारभार चांगला होता असे म्हणायची वेळ आली आहे. सौरभ मते यांनी टॅंकरने पाणी पुरवले नसते तर खुप हाल झाले असते."

- हेमांगी रविशंकर, जयहिंद नगर, खडकवासला.

"पालिकेचे अधिकारी एकमेकांकडे बोट दाखवत आहेत.मोटर तात्काळ दुरुस्त करण्यात यावी. नागरिकांची गैरसोय टाळण्यासाठी टॅंकरने पाणीपुरवठा सुरू केला आहे."

- सौरभ मते, माजी सरपंच, खडकवासला.

"पाणीपुरवठा करण्यासाठी सध्या पर्यायी व्यवस्था करण्यात आली आहे. मोटर रिवाईंडिंग करण्याचे काम सुरू असून सोमवारपर्यंत पाणीपुरवठा पुर्ववत सुरू करण्यात येईल."

- कनिष्ठ अभियंता, पर्वती विद्युत विभाग, पुणे मनपा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com