जुन्नर - जुन्नरच्या आदिवासी भागातील खडकुंबे येथील शुभविवाह सोहळ्यात आग्या मोहोळाच्या मधमाशांनी आज मंगळवार ता.०६ रोजी दुपारी हल्ला केला. या हल्ल्यात वऱ्हाडी मंडळी तसेच वधू वरांना शुभाशीर्वाद देणारे पुढारी देखील सापडले..मोहोळाच्या मधमाशांनी अचानक केलेल्या हल्ल्याने वधू वरासह वऱ्हाडी मंडळींची मोठी पळापळ झाली. ह्या घटनेने विवाह विधी देखील घाईगडबडीत आटोपता घ्यावा लागला.खडकुंबे येथील दिक्षा आणि धनंजय यांचा शुभविवाह अनपेक्षित विघ्नामुळे चांगलाच गाजला. दुपारच्या सुमारास मंगलाष्टका सुरू असताना अचानक एका मोठ्या आग्या मोहोळावरील मधमाशांनी हल्ला केल्याने एकच गोंधळ उडाला. या दुर्घटनेत अनेक वऱ्हाडी जखमी झाले असून त्यांना तातडीने जुन्नर येथील छत्रपती ग्रामीण रुग्णालयात दाखल करण्यात आले आहे..खडकुंबे येथील गारे यांच्यासमोर दिक्षा व धनंजय (तेजस) यांचा विवाह मोठ्या उत्साहात आणि मंगलमय वातावरणात सुरू होता. दोन्हीकडील नातेवाईक आणि मित्रमंडळींच्या उपस्थितीने परिसर आनंदाने भरलेला होता. मात्र, दुपारी दोन वाजण्याच्या सुमारास मंगलाष्टकांना सुरुवात झाली आणि मधमाशा गुंजारव करत मांडवात शिरल्याने एकच धांदल उडाली..वऱ्हाडी बचावासाठी घाबरून इकडे तिकडे धावू लागले. माशांनी अनेक जणांना चावा घेतला. महिला, पुरुष आणि लहान मुले भेदरून ओरडत होती. सर्वत्र एकच गोंधळाचे आणि भीतीचे वातावरण निर्माण झाले होते..या घटनेत जखमी झालेल्यांना तातडीने उपचारासाठी जुन्नरच्या छत्रपती ग्रामीण रुग्णालयात दाखल करण्यात आले. वैद्यकीय अधिकाऱ्यांनी दिलेल्या माहितीनुसार मधमाशांच्या दंशाने अनेक जणांना सूज आली आहे. काही जणांना अधिक गंभीर दुखापत झाली असून त्यांच्यावर उपचार सुरू आहेत.जिल्हा परिषदेचे माजी अध्यक्ष देवराम लांडे, माजी पंचायत समिती सदस्य काळू शेळकंदे, सामाजिक कार्यकर्त्या सुनिता बोऱ्हाडे, तसेच नामदेव सरोगदे, रामदास करवंदे, भीमा भवारी आदी अनेक जण जखमी झाले आहेत. भूषण करवंदे याला मंचर रुग्णालयात दाखल केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
