कोत्या मनोवृत्तीचे दर्शन पुणेकरांना घडलं : मोहोळ

सुप्रिया सुळे यांच्या टिकेला केंद्रीय राज्यमंत्री मुरलीधर मोहोळ यांनी ‘एक्स’वरून प्रत्यूत्तर दिले आहे. ‘‘जवळपास ४० वर्षांनंतर जनतेतून निवडून आलेल्या पुण्याच्या खासदाराला मंत्रिपदाची संधी मिळाली. ही बाब समस्त पुणेकरांना गौरवान्वित करणारी आहे. पुण्याची राजकीय संस्कृती पाहिली तर याचे निखळ मनानेच स्वागत अपेक्षित होतं. पण या निमित्ताने आपल्या कोत्या मनोवृत्तीचे दर्शनही पुणेकरांना घडले. माझ्यासारख्या सामान्य कार्यकर्त्याला थेट केंद्रीय मंत्रिपदावर संधी मिळणे, हे आपल्यासारख्या सोन्याचा चमचा घेऊन जन्मलेल्यांना लवकर पचनी पडणारे नाही. उरला प्रश्‍न ठेकदारांचा, तर ठेकेदार कोणी पोसले? कोणी मोठे केले? पुण्यातील आणि महाराष्ट्राचे मोठे ठेकेदार कोणाचे पार्टनर आहेत? हे अवघ्या महाराष्ट्राला माहिती आहे. त्यामुळे असल्या तकलादू टिपण्णी करून स्वतःचं हसं सोडून दुसरे काही होणार नाही,’’असे मोहोळ यांनी आपल्या पोस्टमध्ये म्हटले आहे.