सहकारनगर (पुणे) : गुलटेकडी परिसराला प्रतिबंधित क्षेत्र म्हणून घोषित केले आहे. मात्र, या भागातील गरजू नागरिकांपर्यंत महापालिकेकडून देण्यात येणारे जीवनावश्यक वस्तूंचे किट अद्याप पोहचलेले नाही. महापालिकेकडे या वस्तूंचा साठा असूनही त्याच्या वाटपासाठी चालढकल केली जात आहे. त्यामुळे लॉकडाउन संपल्यावर आम्हा गरिबांना धान्य मिळणार का? असा संतप्त सवाल नागरिक करीत आहेत.
प्रतिबंधित क्षेत्रातील चारही बाजू सील करण्यात आल्या आहेत. त्यामुळे नागरिकांना खरेदीसाठी बाहेर पडता येत नसल्याने महापालिकेने या क्षेत्रांमधील गरजूंना जीवनावश्यक वस्तूंचे किट वाटण्यास सुरवात केली आहे. यात साखर, आटा, तेल, तूरडाळ, तांदूळ, पोहे, मीठ, साबण, मिर्ची पावडर, चहा पावडर, दुध पावडर आदी वस्तूंचा समावेश आहे.
मात्र, गुलटेकडी प्रभाग क्रमांक २८ मधील इंदिरानगर औद्योगिक वसाहत, डायस प्लॉट झोपडपट्टी, ढोले मळा, भिमाले कॉम्प्लेक्स, यासीन दर्गा आदी भागातील गरजूंना अद्याप हे किट मिळालेले नाहीत. याबाबत बोलताना इंदिरानगर वसाहतीतील रवींद्र मोरे म्हणाले, ‘‘आमचा परिसर मागिल एक महिन्यापासून रेडझोन घोषित केला आहे. महापालिकेकडून घोषित केलेल्या वस्तू अद्याप मिळाल्या नसल्यामुळे अनेकांवर उपासमारीची वेळ आली आहे.’’ तर स्थानिक नगरसेवकांना याबाबत विचारले असता लवकरच गरजूंना या वस्तू दिल्या जातील असे सांगण्यात आले.
पुण्याच्या बातम्या वाचण्यासाठी येथे ► क्लिक करा
तीन हजारपेक्षा जास्त किट सध्या तयार आहेत. अजून किटची गरज आहे. सर्व किट आल्यानंतर योग्य नियोजन करून एकत्रितपणे ते प्रभाग क्रमांक २८ मधील लाभार्थींना टोकन देऊन वाटण्यात येणार आहेत.
- गणेश सोनुने, सहायक आयुक्त, बिबवेवाडी क्षेत्रीय कार्यालय
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.