चाकण - मरकळ, ता. खेड येथून एका तीस वर्षीय महिलेला तिच्या राहत्या घरातून तिला कोयत्याचा धाक दाखवून आरोपींनी कुरुळी ता. खेड गावच्या हद्दीत सॅनी कंपनीच्या मागे गायरानांमध्ये असणाऱ्या एका आरोपीच्या घरी नेले..त्यावेळी आरोपी गणेश उर्फ गनी रामचंद्र नाणेकर (रा. नाणेकरवाडी, ता. खेड, जि. पुणे) याने तिच्यावर सलग दोन दिवस बलात्कार केला. फिर्यादी महिलेने पोलिसांना ही माहिती दिली. त्यानंतर आरोपींना ताब्यात घेतले. या प्रकरणी आरोपी गणेश नाणेकर याला मदत करणारे इतर सहा आरोपी यांच्या वर अपहरण करणे, डांबून ठेवणे, धमकी देणे तसेच गणेश नाणेकर याने बलात्कार केला..या प्रकरणी गुन्हा दाखल केला आहे. अटकेत असलेल्या पाच आरोपींना येत्या ता. 12 पर्यंत पोलीस कोठडीत ठेवण्याचे आदेश खेड न्यायालयाने दिले आहे. अशी माहिती महाळुंगे पोलीस ठाण्याचे वरिष्ठ पोलीस निरीक्षक नितीन गिते, सहाय्यक पोलिस निरीक्षक कल्याण घाडगे यांनी दिली..पोलिसांनी दिलेला माहितीनुसार, हा प्रकार ता. पाच ते सात या दरम्यान घडला. गणेश नाणेकर व इतर आरोपी यांनी महिलेला मरकळ येथून ता. पाचला सायंकाळी सहाच्या सुमारास दुचाकीवर घेतले व कुरुळी गावच्या हद्दीतील सॅनी कंपनीच्या मागील गायरान जागेत असणाऱ्या बारकू गोसावी याच्या राहत्या घरी नेले..आरोपी गणेश उर्फ गणी नाणेकर यांच्याविरुद्ध आळंदी पोलीस ठाण्यात फिर्यादी महिलेने यापूर्वी तक्रार दिली होती. त्या तक्रारीवरून चिडून आरोपी नाणेकर, बारकू गोसावी, सुभाष सुतार यांनी तीला कोयत्याचा धाक दाखवून जबरदस्तीने दुचाकीवर बसवून गोसावी याच्या घरी आणले.आरोपींनी तीला शिवीगाळ, दमदाटी करून खोलीमध्ये कोंडून ठेवले. त्यादरम्यान आरोपी गणेश नाणेकर याने जबरदस्तीने तिच्या इच्छेविरुद्ध तिच्यावर जबरदस्तीने शरीरसंबंध ठेवून तिला हाताने मारहाण केली. शिवीगाळ दमदाटी केली..पुन्हा तक्रार केली तर जिवंत सोडणार नाही अशी धमकी दिली असे फिर्यादीने दिलेल्या फिर्यादीत म्हटले आहे. महिलेला डांबून ठेवल्यानंतर तिने 112 क्रमांकावर फोन केला व पोलिसांना बोलवून घेतले त्यानंतर तिची सुटका करून घेतली..याप्रकरणी आरोपी गणेश नाणेकर याच्यासह बारकू गोसावी, सुभाष सुतार, प्रज्वल जाधव, यश शिंदे, ओम नाणेकर, रजीत येरकर (पुर्ण नाव पत्ता माहित नाही) या सात जणांविरुद्ध विविध कलमानुसार गुन्हा दाखल केला आहे. यातील ओम नाणेकर, रजित येरकर हे दोघे आरोपी फरारी आहेत त्यांचा शोध पोलीस घेत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
