'एमबीए'ला अॅडमिशन देतो असं सांगत ६५ लाखांना घातला गंडा!

पुणे : नामांकित महाविद्यालयात एमबीएला प्रवेश मिळवून दिल्याचे भासवून आईसह दोन मुलांनी पाच विद्यार्थ्यांना तब्बल ६५ लाख ६९ हजार रुपयांना गंडा घातल्याचा धक्कादायक प्रकार उघडकीस आला आहे. फसवणूक करणाऱ्यांमध्ये संशयित आरोपींमध्ये एका विद्यार्थ्याचा सहभाग आहे. याप्रकरणी कोथरुड पोलिसांनी तिघांविरुद्ध गुन्हा दाखल केला आहे. 

- अकरावी अॅडमिशन : एक लाखाहून अधिक विद्यार्थ्यांनी केली नोंदणी; पसंतीक्रम नोंदविण्याची मुदत...​

कोथरुड परिसरातील एका नामांकित महाविद्यालयामध्ये कुणाल जिंदाल हा बीबीएच्या अंतिम वर्षात शिक्षण घेत आहे. दरम्यान कुणालला त्याच्याच वर्गातील आयान चटर्जी याने त्याचा भाऊ अंबर चटर्जी याची एका नामांकित महाविद्यालयातील एमबीएच्या विभाग प्रमुखाशी चांगली ओळख असल्याचे सांगून त्याचा विश्‍वास मिळविला होता. त्यानंतर कुणाल आणि त्याच्या अन्य काही मित्रांना अंबर, आयान यांनी शहरातील नामांकित शैक्षणिक संस्थेच्या महाविद्यालयात व्यवस्थापन कोट्यातून एमबीएला प्रवेश मिळवून देतो, अशी बतावणी केली.

- मद्यधुंद पोलिस निरीक्षकाने ५ जणांना उडवले; एकाचा जागीच मृत्यू तर...​

त्यानंतर कुणाल आणि त्याच्या मित्रांना ई-मेल, लिंकद्वारे महाविद्यालयाच्या नावाने खोटे ई-मेल पाठविले. तसेच एमबीएला प्रवेश मिळाला, असे भासवून अंबर, आयान आणि त्यांची आई आरती या तिघांनी पाच विद्यार्थ्यांकडून एकूण ६५ लाख ६९ हजार रुपयांची रक्कम त्यांच्या बॅंक खात्यावर जमा करून घेतली. तसेच त्यांना स्विकृतीची बनावट पावती, प्रवेशनिश्‍चिती पत्रही दिले.

- चहाची तल्लफ पडली‌ पावणे तीन लाखाला; कशी ते वाचा सविस्तर​

दरम्यान, विद्यार्थ्यांनी संबंधीत महाविद्यालयात चौकशी केली, तेव्हा, आपली फसवणूक झाल्याचे त्यांच्या लक्षात आले. त्यानंतर त्यांनी चटर्जी कुटुंबाच्या रावेत येथील घरी जाऊन पैशांची मागणी केली. तेव्हा चटर्जी कुटुंबाने त्यांना शिवीगाळ करत धमकी दिली. त्यानंतर कुणाल आणि त्याच्या मित्रांनी कोथरुड पोलिसांकडे फिर्याद दाखल केली. या प्रकरणाचा तपास सहाय्यक पोलिस निरीक्षक राहुल यादव करीत आहेत. 

- पुण्याच्या बातम्या वाचण्यासाठी येथे ► क्लिक करा

(Edited By : Ashish N. Kadam)