ओतूर - ओतूर (ता.जुन्नर) येथे अहिल्यानगर-कल्याण महामार्गावर अहिनवेवाडी फाट्याजवळ आयशर ट्रक आणि मोटारीची सामोरासमोर धडक झाली. या अपघात एक महिला ठार तर तीन जण जखमी झाले आहेत. ही घटना शनिवारी (ता. २६) दुपारी चार वाजता घडली..अपघातात सीताबाई अंबू साबळे (वय ८० निमगिरी (तळेरान) ता.जुन्नर) यांचा जागीच मृत्यू झाला असून, स्वप्नील निवृत्ती शेळके, दीपाली स्वप्नील शेळके (रा.करंजाळे ता.जुन्नर) यासह एक महिलाही जखमी झाली आहे..अपघाताबाबत मिळालेली माहिती अशी की, अहिल्यानगर कल्याण राष्ट्रीय महामार्गावर शनिवारी दुपारी आयशर ट्रक ओतूरकडून कल्याणच्या दिशेने चालला होता. त्याच वेळी मोटार मढ बाजूकडून ओतूरच्या दिशेने येत होती.या दोन्ही वाहनांचा ओतूर गावच्या हद्दीत अहिनवेवाडी फाट्याजवळ समोरासमोर टक्कर होऊन अपघात झाला. या अपघात मोटारीमधील साबळे या जागीच ठार झाल्या, तर इतर दोन महिला व एक पुरुष गंभीर जखमी झाले. जखमींना आळेफाटा येथील खासगी रुग्णालयात उपचारासाठी दाखल केले आहे..या अपघाताची माहिती मिळताच ओतूर पोलिस ठाण्याचे सहाय्यक पोलिस सहायक पोलिस निरीक्षक एल.जी.थाटे यांच्या मार्गदर्शनाखाली पोलिस कर्मचारी एस.एस.भोते व इतर कर्मचाऱ्यांच्या पथकाने अपघातस्थळी जाऊन दोन्ही वाहने महामार्गावरून बाजूला करून जखमींना उपचारासाठी पाठवून वाहतूक सुरळीत केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
