Pune Crime : बुधवार पेठेत मोबाईल चोरीच्या संशयावरून महिलेचा खून; दोघांना अटक

मोबाईल चोरल्याच्या संशयावरून महिलेला बांबूने मारहाण करून खून केल्याची घटना बुधवार पेठेत घडली.
Murder
Murdersakal

पुणे - मोबाईल चोरल्याच्या संशयावरून महिलेला बांबूने मारहाण करून खून केल्याची घटना बुधवार पेठेत घडली. या प्रकरणी फरासखाना पोलिसांनी दोघांना अटक केली. बुधवार पेठेत गेल्या दोन दिवसांत खून झाल्याची ही दुसरी घटना आहे.

वर्षा शिवाजी थोरात (वय २५, रा. दांडेकर पुलाजवळ, पर्वती) असे खून झालेल्या महिलेचे नाव आहे. या प्रकरणी गौरव राजू चौगुले (वय २१, रा. कसबा पेठ) आणि अब्दुल मेहबूब सय्यद (वय ३४, रा. बुधवार पेठ) या दोघा संशयितांना अटक करण्यात आली आहे. याबाबत आनंद सोनवणे (वय ३०, रा. ढमढेरे गल्ली, बुधवार पेठ) यांनी फरासखाना पोलिस ठाण्यात फिर्याद दिली आहे.

पोलिसांनी दिलेल्या माहितीनुसार, अब्दुल सय्यदची अंडा भुर्जीची गाडी आहे. वर्षा थोरात फिरस्ती आहे. वर्षा सोमवारी (ता. १२) सकाळी साडेआठ वाजण्याच्या सुमारास श्रीनाथ चित्रपटगृहासमोर चहा पिण्यासाठी गेली होती. त्यावेळी आरोपींनी तिला मोबाईल चोरल्याच्या संशयावरून बांबूने बेदम मारहाण केली. या मारहाणीत गंभीर जखमी झाल्याने तिचा मृत्यू झाला.

या घटनेची माहिती मिळाल्यानंतर पोलिसांनी घटनास्थळी दाखल झाले. पोलिसांनी तिला रुग्णालयात दाखल केले. परंतु उपचारापूर्वीच तिचा मृत्यू झाला. पुढील तपास सहायक पोलिस निरीक्षक वैभव गायकवाड करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com