बालेवाडी - येथील हाय स्ट्रीट परिसरात एक बांधकाम असून येथे अंदाजे दोनशे फूट लांबीचे पत्रा शेड उभारण्यात आली आहे. आज संध्याकाळी झालेल्या वादळी पावसाचे पत्रा शेड पडले.
यामध्ये एक मजूर किरकोळ जखमी झाला असून येथे उभी असणारी सात चार चाकी वाहने शेडखाली अडकली. तर बाणेर येथे हॉटेल महाबळेश्वर जवळील आंबेडकर नगर येथे मोठे बाभळीचे झाड पडून एक चारचाकी वाहन त्याखाली अडकले आहे.
बालेवाडी येथे भारती विद्यापीठ शाळेच्या मागे बालेवाडी हाय स्ट्रीट येथे मॅजेस्टिक लँडमार्क या बांधकाम साइटवर अंदाजे दोनशे फूट लांबीचे पत्रा शेड उभारण्यात आले होते. साईटवर काम करत असताना उंचावरून काही वस्तू खाली पडू नये या दृष्टीने कामगारांच्या सुरक्षिततेसाठी हे शेड उभारण्यात आले होते.
संध्याकाळी झालेल्या पहिल्याच वादळी पावसामध्ये हे शेड खाली कोसळले .यामध्ये एक मजूर अडकला होता त्याला सुखरूप बाहेर काढण्यात आले. तर सात चारचाकी वाहनेही अडकली होती. त्यापैकी एका चार चाकी चे किरकोळ नुकसान झाले आहे.
येथे वेळेत रुग्णवाहिका पोचली तर अग्निशमन विभागाचे अधिकारी कर्मचारी पोहचून त्वरित व्यक्तीची सुटका केली. रुग्ण वाहीकेच्या डॉक्टरांकडून जखमी व्यक्तीवर उपचार सुरू असल्याची माहिती विभागाचे अधिकारी शिवाजी मेमाने यांनी दिली.
तसेच बाणेर येथे हॉटेल महाबळेश्वर जवळील आंबेडकर नगर येथे मोठे बाभळीचे झाड पडून एक चारचाकी वाहन त्याखाली अडकले असल्याने तिथे जात असल्याची माहिती ही दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.