शिरूर - पुढे चाललेला टॅंकर अचानक वळल्याने मागून येणारा दूचाकीवरील कामगार टॅंकरला धडकून खाली पडल्याने जागीच ठार झाला. शिरूर-चौफुला रस्त्यावर कर्डे (ता. शिरूर) गावाजवळ आज सकाळी नऊ च्या सुमारास हा अपघात झाला..सूरज लक्ष्मण तोरणे (वय-२३, रा. मांडवगण फराटा, ता. शिरूर, जि. पुणे) असे या अपघातात मृत्युमूखी पडलेल्या तरूण कामगाराचे नाव आहे. त्याचे वडील लक्ष्मण रामचंद्र तोरणे यांनी दिलेल्या फिर्यादीवरून शिरूर पोलिसांनी टॅंकर चालकारविरूद्ध गुन्हा दाखल केला. अपघातानंतर टॅंकर घेऊन तो पळून गेला असून पोलिस त्याचा शोध घेत आहेत..पोलिसांनी दिलेल्या माहितीनूसार, मृत सूरज तोरणे हा कर्डे घाट परिसरातील 'आयएफबी' कंपनीत गेल्या वर्षभरापासून कामाला असून, सोमवारी रात्री तो कंपनीत कामाला आलेला होता. रात्रपाळीचे काम संपवून आज मंगळवारी (ता. ५) सकाळी साडेआठच्या सुमारास तो आपल्या दूचाकीवरून (क्र. एमएच १२ डब्ल्यूजी ०४११) मांडवगण येथे घरी निघाला होता..दरम्यान, कंपनीपासून एक किलोमीटर अंतरावर कर्डे येथे पुढे चाललेला टॅंकर (क्र. एमएच १३ सीयु ९३४९) अचानक डाव्या बाजूला वळल्याने सूरज हा दूचाकीसह टॅंकरवर मागील बाजूने आदळला असल्याची माहिती स्थानिक ग्रामस्थांनी पोलिसांना दिली. यात त्याच्या डोक्याला, छातीला व पायाला गंभीर मार लागल्याने त्याचा जागीच मृत्यु झाला.याबाबत शिरूर पोलिसांनी टॅंकर चालकाविरूद्ध गुन्हा दाखल केला असून, पुढील तपास पोलिस हवालदार विशाल कोथळकर करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
