बहुजन वंचित आघाडीतर्फे बंदसाठी कार्यकर्ते रस्त्यावर

पुणे : खडकी बाजार येथे बहुजन वंचित आघाडीतर्फे २४ जानेवारी भारत बंदचे आवाहन करण्यात आले होते. त्यासाठी खडकी बाजार बंद करण्यासाठी बहुजन वंचित आघाडीचे खडकीतील कार्यकर्ते व महिला मोठ्या प्रमाणात रस्त्यावर उतरून खडकीतील दुकाने बंद करण्याचे आवाहन करीत आहे.

चित्रडोसा : रजनीकांत यांच्या सुपर रहस्याचा शोध… 

मात्र खडकीतील वयापाऱ्यांकडून अल्प प्रतिसाद मिळत आहे.दुकाने बंद करताना कार्यकर्ते व व्यापारी याच्यात दुकाने बंद करण्यावरून वाद होत आहे.खडकी पोलीस ठाण्याचे सहाययक पोलीस निरीक्षक हरीश  ठाकूर हे घटनास्थळी येऊन कुठलाही अनुचित प्रकार होऊ नये याबाबत कार्यकर्ते व वयापरी यांच्यामध्ये समांजस्यपणाची भूमिका घेऊन वाद मिटवण्याचे प्रयत्न पोलिस करीत आहे.

खडकीत महात्मा गांधी चौक, टिकाराम जगन्नाथ चौक, डॉ.बाबासाहेब आंबेडकर चौक,व सराफ बाजार येथील दुकाने वंचित आघाडीचे कार्यकर्ते सकाळी अकरा वाजल्यापासून बंद करण्यासाठी व्यापाऱ्यांना विनंती आवाहन करीत आहे काही दुकाने बंद झाली होती मात्र काही दुकानदारांनी प्रतिसाद दिला नाही.

ताज्या बातम्यांसाठी डाऊनलोड करा ई-सकाळचे ऍप

'खडकी बंद चे आवाहन बद्दल जर गुरुवारी व्यापाऱ्यांना कळवले असते तर नक्की आम्ही दुकाने बंद केली असती आता अचानक दुकाने बंद करता येणार नाही असे काही व्यापाऱ्यांनी कार्यकर्त्यांना सांगितले.