पुणे : ‘हंस’, ‘मोहिनी’ व ‘नवल’ या साहित्यिक अंकांचे साक्षेपी संपादक आणि गुणवंत लेखक म्हणून प्रसिद्ध असलेले आनंद अंतरकर (वय ८० वर्षे) यांचे शनिवारी पुण्यातील त्यांच्या निवासस्थानी सकाळी ११ च्या सुमारास निधन झाले. त्यांच्यामागे पत्नी, मुलगा आणि मुलगी असा परिवार आहे. (Pune News)
सुमारे महिन्यापूर्वी त्यांच्या पोटावर दोन शस्त्रक्रिया झाल्या होत्या. त्यानंतर त्यांची प्रकृती खालावत गेली. रुग्णशय्येवरूनही ते शेवटच्या क्षणापर्यंत दिवाळी अंकांची कामे निष्ठेने आणि जिद्दीने करत होते. हॉस्पिटलमधे जाण्यापूर्वी आनंद अंतरकरांनी यंदाच्या दिवाळी अंकांचे काम बहुतांशी पूर्ण केले होते. ७५ वर्षांच्या परंपरेनुसार तिन्ही नियतकालिकांचे या वर्षीचे दिवाळी अंकसुद्धा वाचकांपर्यंत पोचणार आहे , अशी ग्वाही त्यांचे पुत्र अभिराम अंतरकर दिली.
कै. ग. दी. माडगूळकर यांची कन्या प्रियदर्शिनी या त्यांच्या पत्नी होत. त्यांची कन्या मानसी यांचे पती सुप्रसिद्ध अभिनेते पंकज विष्णू आहेत. सिनेपत्रकार अरुणा अंतरकर, लेखिका अनुराधा औरंगाबादकर आणि चित्रपटकार हेमलता अंतरकर या त्यांच्या भगिनी आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
