विश्रांतवाडी - येरवड्यातील गणेशनगर भागात कोयते उगारून आणि नागरिकांना शिवीगाळ करून दहशत माजविणाऱ्या दोघांना येरवडा पोलिसांनी अटक करून त्यांची दहशत माजवलेल्या परिसरात बुरखा घालून धिंड काढली..शैलेश राजू मोहिते (वय-१९ वर्षे) आणि रितेश संतोष खुडे (वय-१९ वर्षे, दोघे रा. लक्ष्मीनगर, येरवडा) अशी पोलिसांनी धिंड काढलेल्यांची नावे आहेत. शैलेश मोहिते, रितेश खुडे व त्यांच्या इतर ५ अल्पवयीन साथीदारांनी ५ ऑगस्ट रोजी रात्री अकराच्या सुमारास येरवड्यातील गणेशनगर परिसरात नागरिकांना शिवीगाळ करून कोयते उगारले..तसेच घराच्या दरवाजावर कोयते आपटून दहशत निर्माण केली होती. याबाबतचा व्हिडीओ सोशल मीडियावर व्हायरल केला होता. त्यामुळे परिसरातील नागरिकांमध्ये भीतीचे वातावरण निर्माण झाले होते..हा व्हिडीओ पाहून वरिष्ठ पोलीस निरीक्षक रवींद्र शेळके यांनी कारवाईचे आदेश दिले होते. त्यानुसार त्यांचा शोध घेऊन त्यांना पकडून त्यांची नुकतीच धिंड काढण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
