पुण्यातील सिंहगड किल्ल्यावर बुधवारी संध्याकाळी मित्रांसमवेत फिरायला गेलेला गौतम गायकवाड हा तरुण बेपत्ता झाला आहे. 24 तासांहून अधिक कालावधी उलटूनही त्याचा शोध लागलेला नाही. हवेली पोलिस आणि वनविभाग संयुक्तपणे तपास करत असून, सीसीटीव्ही फुटेजमधील एका संशयित व्यक्तीने या प्रकरणाला नवे वळण दिले आहे. गौतमच्या बेपत्त्यामागे घातपात आहे की अपघात, याचा तपास सध्या सुरू आहे.