कात्रज - सुखसागरनगर भागातील यशश्री सोसायटीसमोर पायी चाललेल्या मुलीला भरधाव मोटारीने चिरडल्याची घटना दुपारी साडेतीनच्या (ता. १३) सुमारास घडली. रस्त्यावरुन चालणाऱ्या या मुलीला एका टुरिस्ट पासिंगच्या मोटारीने धडक दिली..यामध्ये श्रेया गौतम येवले (वय २१, रा. शीतल हाईट्स, खंडोबा मंदिराजवळ कोंढवा) या मुलीचा जागीच मृत्यू झाला. कारचालकाचा मोटारीवरील ताबा सुटल्याने हा अपघात घडला. मोटार मुख्य रस्त्यावरून फुटपाथवर घुसून एका नाराळाच्या झाडाला तोडून मुलीला धडकली..हा अपघात एवढा भीषण होता की, समोर असणारे बदामाचे झाड आणि मोटारीच्या मध्ये सापडून मुलीचा जागीच मृत्यू झाला. या घटनेची माहिती मिळताच भारती विद्यापीठ, बिबवेवाडी व कोंढवा पोलीस ठाण्याचे कर्मचारी घटनास्थळी दाखल झाले..त्यांनी मृतदेह ताब्यात घेत ससून येथे शवविच्छेदनासाठी पाठवला असून कारचालक सतीश गुरुनाथ होनमाने (वय ३७, रा. गोकुळनगर याला पोलिसांनी ताब्यात घेतले आहे. पोलिस पुढील तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
