मंचर - कपडे धूत असताना किरकोळ कारणावरून थोरल्या भावाने सख्ख्या धाकट्या भावावर चाकूने वार करून त्याचा खून केला. ही घटना मंचर (ता. आंबेगाव) शहरात घडली.
याप्रकरणी मंचर पोलिसांनी आरोपी रोहित संजय देठे (वय २४, रा. छत्रपती संभाजी महाराज चौक, सिद्धार्थनगर, मंचर) याच्याविरुद्ध खुनाचा गुन्हा बुधवारी (ता. २६) दाखल केला असून, त्याला अटक केली आहे. सौरभ संजय देठे (वय २२, रा. मंचर) असे मृत झालेल्या तरुणाचे नाव आहे.
याबाबत मंचर पोलिसांनी माहिती दिली की, मंचर येथील सिद्धार्थनगर येथे सौरभ देठे यांच्या घरासमोर त्यांचा भाऊ रोहीत देठे यांची पत्नी नंदीनी देठे या बुधवारी (ता. १९) संध्याकाळी साडेसहाच्या सुमारास कपडे धुत होत्या.
नंदिनी यांच्या अंगावर सौरभ देठे यांच्याकडून पाणी सांडल्याचा राग आल्यामुळे रोहित याने शिवीगाळ दमदाटी करून हातातील चाकुने सौरभ याच्या अंगावर जागोजागी वार करुन गंभीर जखमी केले. मंचर उपजिल्हा रुग्णालय, पिंपरी चिंचवड येथील यशवंतराव चव्हाण व त्यांनतर ससून रुग्णालय पुणे येथे सौरभ यांच्यावर उपचार सुरु होते. पण, बुधवारी (ता. २६) सौरभ यांचा मृत्यू झाला.
याबाबत सौरभ यांचा आतेभाऊ स्वप्नील काळूराम जाधव (वय २६, रा. मंचर) यांनी मंचर पोलिस ठाण्यात फिर्याद दाखल केली. याप्रकरणी मंचर पोलीस ठाण्याचे पोलीस निरीक्षक श्रीकांत कंकाळ यांच्या मार्गदर्शनाखाली सहाय्यक पोलीस निरीक्षक सुनील बडगुजर पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.