Youth Held with Illegal Weapons in Narayangaon, Police Seize Swords
esakal
-रवींद्र पाटे
नारायणगाव: जुन्नर येथे तलवारी व खंजीर या शस्त्रांची विक्री करण्यासाठी निघालेल्या तरुणाला पुणे ग्रामीणच्या स्थानिक गुन्हे शाखा पथकाने नारायणगाव येथे सापळा रचून मुद्देमालासह अटक केली. आरोपीकडून दहा तलवारी व दोन खंजीर, मोटार असा सुमारे 76 हजार रुपयांचा मुद्देमाल जप्त करण्यात आला आहे. आरोपीला जुन्नर न्यायालयाने 1 एप्रिल 2026 पर्यंत पोलीस कोठडी दिली आहे. अशी माहिती स्थानिक गुन्हे शाखेचे पोलीस निरीक्षक प्रमोद क्षीरसागर यांनी दिली.
