पुणे - दारू पिताना झालेल्या भांडणातून तरुणावर धारदार शस्त्राने वार करून खूनाचा प्रयत्न करण्यात आला. याबरोबरच आरोपींनी शस्त्राचा धाक दाखवत नागरिकांना धमकावले. ही घटना आंबेगावातील आमराई परिसरात बुधवारी घडली. .अलोक कोंढरे असे गंभीर जखमी झालेल्या तरुणाचे नाव आहे. गणेश कदम, अनिकेत सांडे, ऋषी सावंत व पुनीत वाघमारे (सर्व रा. भारती विद्यापीठ) असे गुन्हा दाखल झालेल्या आरोपींची नावे आहेत. याप्रकरणी ओमकार वडमारे (रा. धायरी) याने भारती विद्यापीठ पोलिस ठाण्यात फिर्याद दाखल केली. त्यावरून चौघांवर खुनाचा प्रयत्न व दहशत पसरविल्याप्रकरणी गुन्हा दाखल झाला..पोलिसांनी दिलेल्या माहितीनुसार, फिर्यादी ओमकार डिलिव्हरी बॉय आहे. बुधवारी दुपारी तो त्याचे मित्र अलोक कोंढरे, किरण घोडके, सोमनाथ जगदाळे व इतर काही मित्रांबरोबर आंबेगावात दारू पीत बसला होता. त्यावेळी आरोपीदेखील त्यांच्याजवळ येऊन दारी पीत बसले.यावेळी कोंढरे व आरोपी कदम यांच्यात बाचाबाची झाली. त्यानंतर कदम तेथून निघून गेला. काही वेळाने तो त्याच्या साथीदारांसह आला. त्यांनी कोंढरेचा पाठलाग करून त्यास आंबेगाव घबाडी येथील उत्कर्ष शाळेजवळ गाठले. आरोपी कदमने कोंढरेवर कोयत्याने, तर सावंतने तलवारीने वार केले..या घटनेत कोंढरे गंभीर जखमी झाला. दरम्यान, आरोपींनी तेथून जाताना नागरिकांना शस्त्रे दाखवत दमदाटी केली. एका कारची तोडफोडही केली. या प्रकरणाचा तपास सहाय्यक पोलिस निरीक्षक मिथुन परदेशी करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
