कुरकुंभ : पुणे-सोलापूर राष्ट्रीय महामार्गावर कुरकुंभ (ता. दौंड) येथील उड्डाणपुलावर अज्ञात वाहनाच्या धडकेने एका अनोळखी तरुणाचा मृत्यू झाल्याचे आढळून आले आहे. ही घटना सोमवारी (ता. 15) पहाटे पावणे चारच्या सुमारास घडल्याची माहिती पोलिस हवालदार श्रावण गुपचे यांनी दिली. कुरकुंभ येथील उड्डाण पुलावर अज्ञात वाहनाच्या धडकेने तरुणाचा मृत्यू झाला आहे. मृत व्यक्तीचे वय अंदाजे 35 वर्ष असून रंग आणि गोरा, उंची पाच फूट पाच इंच, अंगवरती काळे रंगाची पॅन्ट व टी शर्ट आहे. मृत्यू झालेल्या तरुणाच्या तोंडातून व कानातून रक्तस्राव झालेला होता.
- पुण्याच्या बातम्या वाचण्यासाठी येथे ► क्लिक करा
अज्ञात वाहनाच्या धडकेने मृत्यू झालेल्या तरुणाच्या अंगावरून वाहने जाऊ नये म्हणून इतर वाहन चालकांनी मृतदेह रस्त्यावरून उचलून दुभाजकाच्या मध्यभागी ठेवला होता. यासंदर्भात पोलीस शिपाई महेश पवार यांनी फिर्याद दिली आहे. घटनास्थळी दौंड उपविभागीय पोलिस अधिकारी राहुल धस व पोलीस निरीक्षक नारायण पवार यांनी भेट देऊन माहिती घेतली. याबाबत अधिक माहिती असल्यास दौंड पोलिसांशी 02117 / 262 333 या क्रमांकावर संपर्क साधावा. घटनेचा पुढील तपास पोलीस उपनिरीक्षक श्री. लोंढे करीत आहेत.
कॅमेरे त्वरित दुरुस्तीची मागणी-पुणे-सोलापूर राष्ट्रीय महामार्गावर व उड्डाण पुलालावरती बसवलेले सीसीटीव्ही कॅमेरे चालू असल्यास तरुणाला धडक देणारे अज्ञात वाहनाचा तपास लावणे सोपे होईल. मात्र बंद असल्यास तपास लागणे अवघड होणार आहे. त्यामुळे टोल वसूल करणाऱ्या कंपनीने नादुरुस्त कॅमेरे त्वरित दुरुस्ती करण्याची मागणी नागरिकांकडून होत आहे.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.